ಮೈಸೂರು: ಮಕ್ಕಳ ಹಾಡಿನಿಂದ ರಾಜ್ಯೋತ್ಸವ ಸಂಪನ್ನ

ಮೈಸೂರು: ಅಲ್ಲಿ ಕನ್ನಡವನ್ನೇ ಉಸಿರಾಡುವ ಮಕ್ಕಳಿದ್ದರು. ಅವರನ್ನು ಕನ್ನಡ ಶಾಲೆಗೆ ಕಳಿಸಿದ ಪೋಷಕರಿದ್ದರು. ಕನ್ನಡಾಭಿಮಾನ ಮೂಡಿಸುವ ಶಿಕ್ಷಕರಿದ್ದರು. ಈ ತ್ರಿವಳಿ ಸಂಗಮದಲ್ಲಿ ಕನ್ನಡ ಗೀತೆಗಳ ಗಾಯನದ ಮೂಲಕ ರಾಜ್ಯೋತ್ಸವ ಸಂಪನ್ನವಾಯಿತು.

. ನಗರ ಹೊರವಲಯದ ಲಿಂಗಾಂಬುಧಿ ಪಾಳ್ಯದಲ್ಲಿರುವ ಅರಿವು ಕನ್ನಡ ಶಾಲೆಯಲ್ಲಿ ಸೋಮವಾರ ಹೀಗೆ ಕನ್ನಡದ ಸಂಭ್ರಮ ಮನೆ ಮಾಡಿತ್ತು.ಐದು ಆರನೆ ತರಗತಿಯ ಮಕ್ಕಳು, 'ಮರವಾಗಲೆ ಓ ಜೀವವೆ ಮರವಾಗು, ಭರವಸೆಯಲಿ ನೆರವಾಗು' ಹಾಡಿ ಆರಂಭದಲ್ಲೇ ಸಂಭ್ರಮವನ್ನು ಕಳೆಗಟ್ಟಿಸಿದರು. 'ಗೊರು ಗೊರುಕ ಗೊರುಕನದೊಡ್ಡ ಸಂಪಿಗೆ' ಹಾಡು ಲವಲವಿಕೆಯನ್ನು ಹೆಚ್ಚಿಸಿತು.

. ಏಳು ಎಂಟನೆ ತರಗತಿ ಮಕ್ಕಳು ಕನ್ನಡಾಭಿಮಾನ ಕುರಿತ ಸಿನಿಮಾ ಹಾಡುಗಳನ್ನು ಪ್ರಸ್ತುತಪಡಿಸಿದರು. ಹತ್ತನೇ ತರಗತಿ ಮಕ್ಕಳು, 'ಉಳ್ಳವರು ಶಿವಾಲಯವ ಮಾಡುವರು' ವಚನ, 'ಜೋಗದ ಸಿರಿ ಬೆಳಕಿನಲ್ಲಿ' ಭಾವಗೀತೆ ಹಾಡಿದರು. ನಂತರ, ಪೋಷಕರಾದ ಪ್ರಸಾದ, ಬರ್ಟಿ ಒಲಿವರಾ, ಡಾ.ಮನೋಹರ, ಕಾಜು ಸಾಹೇಬ ಗೀಗಿ ಪದ ಹಾಡಿ ಮಕ್ಕಳಿಂದ ಚಪ್ಪಾಳೆ ಗಿಟ್ಟಿಸಿದರು.

. 'ಗೋಪಿ ಕೇಳು ನಿನ್ನ ಮಗ ಜಾರ, ಇವ ಚೋರ, ಸುಕುಮಾರ', 'ಕರ್ನಾಟಕ ಬರಿ ನಾಡಲ್ಲ, ನಮ್ಮ ಸಂಸ್ಕೃತಿ ಯ ಧಾತು' ಗೀತೆಗಳನ್ನು ಹಾಡಿಶಿಕ್ಷಕರು ಕಾರ್ಯಕ್ರಮವನ್ನು ಮುಕ್ತಾಯಗೊಳಿಸಿದರು.

. ಮೈಸೂರು ಅರಗು ಮತ್ತು ಬಣ್ಣ ಕಾರ್ಖಾನೆಯ ಕಾರ್ಪೊರೆಟ್ ಸಾಮಾಜಿಕ ಜವಾಬ್ದಾರಿ ನಿಧಿಯಲ್ಲಿ ಶಾಲೆಯಲ್ಲಿ ನಿರ್ಮಿಸಿದ ಗ್ರಂಥಾಲಯ ಕಟ್ಟಡವನ್ನು ಸಂಸ್ಥೆಯ ಅಧ್ಯಕ್ಷ ಎನ್.ವಿ.ಫಣೀಶ ಉದ್ಘಾಟಿಸಿದರು. ಅವರಿಗೆ ಶಾಲೆಯು ಕೊಡುಗೆಯಾಗಿ ನೀಡಿದ 'ಬಾಲವನದಲ್ಲಿ ಭಾರ್ಗವ' ಕೃತಿಯ ಕೆಲವು ಸಾಲುಗಳನ್ನು 8ನೇ

. ತರಗತಿಯ ಎಂ.ಜಿ.ಶ್ರೀವಿದ್ಯಾ ಓದುವ ಮೂಲಕ ರಾಜ್ಯೋತ್ಸವವನ್ನು ಉದ್ಘಾಟಿಸಿದ್ದು ವಿಶೇಷ. ಶಾಲೆಯ ಕಾರ್ಯದರ್ಶಿ ಜನಾರ್ದನ, ಕಾರ್ಖಾನೆಯ ವ್ಯವಸ್ಥಾಪಕ ನಿರ್ದೇಶಕ ಚಂದ್ರಶೇಖರ ದೊಡ್ಡಮನಿ, ಪ್ರಧಾನ ವ್ಯವಸ್ಥಾಪಕ ಸಿ.ಹರಕುಮಾರ್ ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೈಸೂರು: ಮಕ್ಕಳ ಹಾಡಿನಿಂದ ರಾಜ್ಯೋತ್ಸವ ಸಂಪನ್ನ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು