ಹಸಿಮೆಣಸಿನಕಾಯಿ ಬಲು ದುಬಾರಿ

ಬುಧವಾರ, ಜೂನ್ 19, 2019
28 °C
ಕೋಳಿ ಮಾಂಸ ಅಗ್ಗ, ನುಗ್ಗೆಕಾಯಿ ದರ ಸ್ಥಿರ

ಹಸಿಮೆಣಸಿನಕಾಯಿ ಬಲು ದುಬಾರಿ

Published:
Updated:
Prajavani

ಮೈಸೂರು: ಮುಂಗಾರುಪೂರ್ವ ಮಳೆ ಕಳೆದ ವಾರ ಜಿಲ್ಲೆಯ ಕೆಲವು ಭಾಗಗಳಲ್ಲಿ ಬಿದ್ದಿದೆ. ಆದರೆ, ಬಿಸಿಲಿನ ತಾಪ ಕಡಿಮೆಯಾಗದೇ ಇರುವುದರಿಂದ ತರಕಾರಿ ಗಿಡಗಳಲ್ಲಿನ ಹೂಗಳು ಬಾಡಿ ಕಮರಿ ಹೋಗುತ್ತಿವೆ. ಇದರಿಂದ ಸಹಜವಾಗಿಯೇ ತರಕಾರಿಗಳ ಉತ್ಪಾದನೆ ಕಡಿಮೆಯಾಗಿ ಬೆಲೆ ದುಬಾರಿಯಾಗಿಯೇ ಮುಂದುವರಿದಿದೆ.

ಈ ವಾರ ದುಬಾರಿಯಾಗುವ ಸರದಿ ಟೊಮೆಟೊವಿನದು. ಇಲ್ಲಿನ ಎಪಿಎಂಸಿ ಸಗಟು ತರಕಾರಿ ಮಾರುಕಟ್ಟೆಯಲ್ಲಿ ಕಳೆದ ವಾರ ಕೆ.ಜಿಗೆ ₹ 26 ಇತ್ತು. ಈಗ ಇದು ₹ 32 ಆಗಿದೆ. ಚಿಲ್ಲರೆ ಮಾರುಕಟ್ಟೆಯಲ್ಲಿ ಇದರ ದರ ₹ 50 ದಾಟಿದೆ. ಖರೀದಿದಾರರು ₹ 10ಕ್ಕೆ ಕೊಡಿ ಎಂದು ಕೇಳಿದರೆ ಎರಡೊ, ಮೂರೊ ಟೊಮೆಟೊ ಸಿಗುವಂತಹ ಸ್ಥಿತಿ ನಿರ್ಮಾಣವಾಗಿದೆ.

ಕಳೆದ ವಾರ ಕೆ.ಜಿಗೆ ₹ 45 ಇದ್ದ ಹಸಿಮೆಣಸಿನಕಾಯಿ ದರ ಈ ವಾರ ₹ 50 ಆಗಿದೆ. ಚಿಲ್ಲರೆ ಮಾರುಕಟ್ಟೆಯಲ್ಲಿ ₹ 70ರ ಆಸುಪಾಸಿನಲ್ಲಿದೆ. ಕಳೆದ ವಾರ ₹ 70ರಲ್ಲಿದ್ದ ಬೀನ್ಸ್ ಸಗಟು ಧಾರಣೆ ಈ ವಾರ ₹ 60 ಆಗಿದೆ. ಚಿಲ್ಲರೆ ಮಾರುಕಟ್ಟೆಯಲ್ಲಿ ಇದು ₹ 80ಕ್ಕೂ ಹೆಚ್ಚು ದರಕ್ಕೆ ಮಾರಾಟವಾಗುತ್ತಿದೆ.

ತಮಿಳುನಾಡಿನಲ್ಲೂ ಹೆಚ್ಚಿನ ಪ್ರಮಾಣದಲ್ಲಿ ಮಳೆ ಬಿದ್ದಿಲ್ಲ. ಇದರಿಂದ ಕ್ಯಾರೇಟ್‌ನ ಉತ್ಪಾದನೆ ಕಡಿಮೆಯಾಗಿದೆ. ಅಲ್ಲಿಂದ ಬರುತ್ತಿರುವ ಕ್ಯಾರೇಟ್‌ನ ಪ್ರಮಾಣ ದಿನದಿಂದ ದಿನಕ್ಕೆ ಕುಸಿಯುತ್ತಿದೆ. ಇದರಿಂದ ಬೆಲೆಯು ಏರುಗತಿ ಪಡೆದಿದೆ. ತಿಂಗಳ ಆರಂಭದಲ್ಲಿ ಇಲ್ಲಿನ ಎಪಿಎಂಸಿ ಸಗಟು ಮಾರುಕಟ್ಟೆಯಲ್ಲಿ ಕೆ.ಜಿಗೆ ₹ 25 ಇದ್ದ ದರ ಇದೀಗ ₹ 38ನ್ನು ತಲುಪಿದೆ.

ಮದುವೆ ಮೊದಲಾದ ಶುಭ ಸಮಾರಂಭ ಮಾಡುವವರಿಗೆ ಹಾಗೂ ಗ್ರಾಹಕರಿಗೆ ಇದರಿಂದ ತೊಂದರೆಯಾಗಿದೆ. ಮತ್ತೊಂದು ಕಡೆ ರೈತರು ಹಾಕಿದ ಫಸಲಿನಲ್ಲಿ ಸಮರ್ಪಕವಾದ ಇಳುವರಿ ಬಾರದ ಕಾರಣ ಅವರಿಗೂ ಹೆಚ್ಚಿನ ಲಾಭವಾಗುತ್ತಿಲ್ಲ.‌

‘ಒಂದು ಎಕರೆಯಲ್ಲಿನ ಟೊಮೆಟೊ ಸಸಿಗಳ ಪೈಕಿ ಅರ್ಧದಷ್ಟು ಮಾತ್ರ ಉಳಿಯುತ್ತವೆ. ಅವುಗಳಲ್ಲಿ ಸ್ವಲ್ಪ ಸಸಿಗಳಲ್ಲಿ ಮಾತ್ರ ಕಾಯಿ ಬರುತ್ತದೆ. ಇದರಲ್ಲಿ ದರ ಏರಿಕೆಯಾದರೂ ಕೈಗೆ ಬರುವುದು ಸ್ವಲ್ಪ ಮಾತ್ರ. ಹೆಚ್ಚಿನ ಲಾಭವಾಗದು’ ಎಂದು ಜಯಪುರದ ರೈತ ಪುಟ್ಟಸ್ವಾಮಿ ಹೇಳುತ್ತಾರೆ.‌

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !