ಮಹಿಳೆಯರ ಶಸ್ತ್ರಚಿಕಿತ್ಸೆಗಿಂತ ಅತ್ಯಂತ ಸರಳವಾದ ಹಾಗೂ ನೋವು ಕಡಿಮೆ ಇರುವ ‘ನೋ ಸ್ಕಾಲ್ಪೆಲ್ ವ್ಯಾಸೆಕ್ಟಮಿ’ ಎಂಬ ಸಂತಾನಶಕ್ತಿಹರಣ ಶಸ್ತ್ರಚಿಕಿತ್ಸೆ ಸರಿಸುಮಾರು ಎಲ್ಲ ಆಸ್ಪತ್ರೆಗಳಲ್ಲಿ ಪುರುಷರಿಗೆಂದೇ ಲಭ್ಯವಿದೆ. ಗಾಯ, ಹೊಲಿಗೆ ಇಲ್ಲದೇ ಕೇವಲ 5ರಿಂದ 10 ನಿಮಿಷದಲ್ಲಿ ನಿರ್ವಹಿಸಬಹುದಾದ ಚಿಕಿತ್ಸೆ ಇದು. ಚಿಕಿತ್ಸೆ ಪಡೆದ ಕೇವಲ ಅರ್ಧ ಗಂಟೆಯಲ್ಲೇ ಮನೆಗೆ ತೆರಳಬಹುದು. ಇಷ್ಟೆಲ್ಲ ಲಾಭದ ಜತೆಗೆ, ಸರ್ಕಾರ ಪ್ರೋತ್ಸಾಹ ಧನ ನೀಡಿದರೂ ‘ವ್ಯಾಸೆಕ್ಟಮಿ’ ಜನಪ್ರಿಯಗೊಂಡಿಲ್ಲ.