ಯೋಗಮಯವಾದ ಅರಮನೆ

ಬುಧವಾರ, ಜೂನ್ 19, 2019
27 °C
2ನೇ ರಿಹರ್ಸಲ್‌ಗೆ ಭರಪೂರ ಸ್ಪಂದನೆ

ಯೋಗಮಯವಾದ ಅರಮನೆ

Published:
Updated:
Prajavani

ಮೈಸೂರು: ಮೂಡಣದಲ್ಲಿ ದಿನಕರ ಮೈಮುರಿದು ಆಕಳಿಸುತ್ತಾ ಎದ್ದೇಳುತ್ತಿದ್ದಂತೆ ಅರಮನೆ ಆವರಣದಲ್ಲಿ ಯೋಗಪಟುಗಳು ಸೇರಲಾರಂಭಿಸಿದರು. ಕತ್ತಲ ತೆರೆಯು ಸರಿದು, ಬೆಳಕು ಹರಿಯುತ್ತಿದ್ದಂತೆ ವಿವಿಧ ಯೋಗಾಸನಗಳನ್ನು ಯೋಗಪಟುಗಳು ಪ್ರದರ್ಶಿಸಲಾರಂಭಿಸಿದರು.

ಜಿಲ್ಲಾಡಳಿತ, ಯೋಗ ಫೆಡರೇಷನ್ ಆಫ್ ಟ್ರಸ್ಟ್‌ ಹಾಗೂ ಇತರ ಸಂಘಸಂಸ್ಥೆಗಳು ಆಯೋಜಿಸಿದ್ದ ಅಂತರರಾಷ್ಟ್ರೀಯ ಯೋಗದಿನಾಚರಣೆಯ ತಾಲೀಮಿನಲ್ಲಿ 2 ಸಾವಿರಕ್ಕೂ ಅಧಿಕ ಮಂದಿ ಭಾಗಿಯಾಗಿದ್ದು ವಿಶೇಷ ಎನಿಸಿತ್ತು.

‘ಸಂಗಚಧ್ವಂ, ಸಂವದಧ್ವಂ ಸಂವೋ ಮನಾಂಸಿ ಜಾನತಾಮ್...’ ಎಂಬ ಪ್ರಾರ್ಥನೆಯೊಂದಿಗೆ ಆರಂಭವಾದ ಯೋಗಾಭ್ಯಾಸವು ತಾಡಾಸನದಿಂದ ಆರಂಭವಾಯಿತು.

ನಂತರ, ವೃಕ್ಷಾಸನ, ಪಾದಹಸ್ತಾಸನ–1, ಪಾದಹಸ್ತಾಸನ–2, ಅರ್ಧ ಚಕ್ರಾಸನ, ತ್ರಿಕೋಣಾಸನ, ಸಮದಂಡಾಸನ, ಭದ್ರಾಸನ, ವಜ್ರಾಸನ, ಅರ್ಧ ಉಷ್ಟ್ರಾಸನ, ಉಷ್ಟ್ರಾಸನ, ಶಶಾಂಕಾಸನ, ಉತ್ಥಾನ ಮಂಡೂಕಾಸನ, ವಕ್ರಾಸನ, ಮಕರಾಸನ, ಸರಳ ಭುಜಂಗಾಸನ, ಭುಜಂಗಾಸನ, ಶಲಭಾಸನ, ಸೇತುಬಂಧಾಸನ, ಉತ್ಥಾನ ಪಾದಾಸನ, ಅರ್ಧ ಹಲಾಸನ, ಪವನಯುಕ್ತಾಸನ ಹಾಗೂ ಶವಾಸನದ ಮೂಲಕ ಯೋಗಾಸನ ಕೊನೆಗೊಂಡಿತು.

ನಂತರ, ಪ್ರಾಣಾಯಮಗಳನ್ನು ಮಾಡಲಾಯಿತು. ಕಪಾಲಭಾತಿ, ನಾಡಿಶೋಧನ, ಶೀತಲೀ, ಭ್ರಾಮರಿ ಪ್ರಾಣಾಯಮಗಳು ಹಾಗೂ ಕೊನೆಯಲ್ಲಿ ಧ್ಯಾನದ ಮೂಲಕ ತಾಲೀಮಿಗೆ ಮಂಗಳ ಹಾಡಲಾಯಿತು.

ಯೋಗ ಸ್ಫೋರ್ಟ್ ಫೌಂಡೇಷನ್ (ವೈಎಸ್‌ಎಫ್), ಶ್ರೀ ಪತಂಜಲಿ ಯೋಗ ಶಿಕ್ಷಣ ಸಮಿತಿ (ಎಸ್‌ಪಿವೈಎಸ್‌ಎಸ್‌), ಮೈಸೂರು ಯೋಗ ಒಕ್ಕೂಟ, ಬಾಬಾ ರಾಮದೇವ್ ಭಾರತ್ ಸ್ವಾಭಿಮಾನಿ ಟ್ರಸ್ಟ್‌ ಸೇರಿದಂತೆ ಇನ್ನಿತರ ಸಂಘಟನೆಗಳು ಈ ಕಾರ್ಯಕ್ಕೆ ಕೈ ಜೋಡಿಸಿದ್ದವು.

ಒಟ್ಟು 19 ಬಗೆಯ ಯೋಗಾಸನಗಳನ್ನು ಯೋಗಪಟುಗಳು ಪ್ರದರ್ಶಿಸಿದರು. ಮುಂದಿನ ಭಾನುವಾರ ಜೂನ್ 16ರಂದು ರೇಸ್‌ಕೋರ್ಸ್‌ನಲ್ಲಿ ಮೆಗಾ ತಾಲೀಮು ನಡೆಯಲಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !