<p><strong>ಮೈಸೂರು: </strong>‘ಗ್ರಾಮದ ಚರಂಡಿ ಕಲ್ಮಶ ಕೆರೆ ಒಡಲು ಸೇರಿ ಹಸಿರು ಬಣ್ಣಕ್ಕೆ ತಿರುಗಿದೆ. ಪಂಚಾಯಿತಿಯಿಂದ ಮೂರು ದಿನಗಳಿಗೊಮ್ಮೆ ಬಿಡುವ ನೀರೂ ಕುಡಿಯಲು ಯೋಗ್ಯವಿಲ್ಲ. ಖಾಸಗಿಯವರ ನೀರಿನ ಘಟಕಗಳೇ ಕುಡಿಯಲು ಗತಿ...’</p>.<p>ಸ್ವಾಮಿ ವಿವೇಕಾನಂದ ಯೂತ್ ಮೂವ್ಮೆಂಟ್ (ಎಸ್ವಿವೈಎಂ) ಹಾಗೂ ‘ಗ್ರಾಮ್’ ಸಂಸ್ಥೆ ಆಯೋಜಿಸಿದ್ದ‘ನನ್ನೊಳಗಿನ ನಡಿಗೆ’ (ವಾಕ್ ವಿತ್ಇನ್) ಕಾರ್ಯಕ್ರಮದ ಮೊದಲ ದಿನಮೈಸೂರು ತಾಲ್ಲೂಕಿನ ಬೆಳವಾಡಿ ಗ್ರಾಮದ ಬಹುತೇಕ ಮಹಿಳೆಯರಿಂದ ಕೇಳಿಬಂದ ಮಾತುಗಳಿವು.</p>.<p>ನೀರು ಮತ್ತು ನೈರ್ಮಲ್ಯದ ಬಗ್ಗೆ ವಾಸ್ತವ ಅರಿಯಲುಎಸ್ವಿವೈಎಂ ಸಂಸ್ಥಾಪಕ ಡಾ. ಆರ್. ಬಾಲಸುಬ್ರಹ್ಮಣ್ಯಂ ನೇತೃತ್ವದ ತಂಡ ಬೆಳವಾಡಿ ಗ್ರಾಮದಲ್ಲಿ ಒಂದು ಸುತ್ತು ಹಾಕಿತು.</p>.<p>ಗ್ರಾಮ ಪಂಚಾಯಿತಿಯಿಂದ ಮೂರು ದಿನಗಳಿಗೊಮ್ಮೆ ಬೆಳಿಗ್ಗೆ 5ರಿಂದ 7ರವರೆಗೆ ನೀರು ಬಿಡುತ್ತಾರೆ. ಅದಕ್ಕಾಗಿ ಚಾತಕ ಪಕ್ಷಿಯಂತೆ ಕಾಯಬೇಕು, ಈ ನೀರು ಸಹಾ ಮಲಿನವಾಗಿರುತ್ತದೆ. ಹಸಿರುಗಟ್ಟಿದ ಕೆರೆ ಪಕ್ಕದಲ್ಲೇ ಕುಡಿಯುವ ನೀರಿಗಾಗಿ ಕೊಳವೆ ಬಾವಿಗಳನ್ನು ಕೊರೆಸಲಾಗಿದೆ ಎಂಬುದು ಬೆಳವಾಡಿ ಸ್ಥಳೀಯರ ಆರೋಪವಾಗಿತ್ತು.</p>.<p>‘ರಸ್ತೆ ಡಾಂಬರೀಕರಣಗೊಂಡಿಲ್ಲ. ಚರಂಡಿ ಸ್ವಚ್ಛಗೊಳಿಸಿಲ್ಲ. ಯಾರೇ ಜನಪ್ರತಿನಿಧಿಗಳು ಬಂದರೂ ಗ್ರಾಮದ ಸಮಸ್ಯೆ ಬಗ್ಗೆ ಕೇಳುತ್ತೇವೆ. ಕುಡಿಯುವ ನೀರಿಗಾಗಿ ಬಹುತೇಕ ಎಲ್ಲರೂ ಖಾಸಗಿ ಶುದ್ಧ ನೀರಿನ ಘಟಕಗಳನ್ನೇ ಅವಲಂಭಿಸಿದ್ದೇವೆ. ₹ 5 ಕ್ಕೆ 20 ಲೀಟರ್ ಫಿಲ್ಟರ್ ನೀರು ಬರುತ್ತದೆ’ ಎಂದು ಹೇಳುತ್ತಾ ಕೋಳಿಗೆ ಕಾಳು ಹಾಕಿದರು ಕಮಲಮ್ಮ.</p>.<p>‘ಗ್ರಾಮೀಣ ಪ್ರದೇಶಗಳು ನಗರದೊಂದಿಗೆ ವಿಲೀನಗೊಂಡು ಹಾಗೂಕೈಗಾರಿಕೀಕರಣದಿಂದ ಏನೆಲ್ಲಾ ಸಮಸ್ಯೆಗಳು ಎದುರಾಗಿವೆ ಎಂಬುದು ಅರಿವಾಯಿತು. ಇಲ್ಲಿನ ಹಾಗೂ ನಗರದ ಶಾಲೆಗಳನ್ನು ಗಮನಿಸಿದರೆ ಅಭಿವೃದ್ಧಿಯಲ್ಲಿನ ಅಸಮಾನತೆ ಗೊತ್ತಾಗುತ್ತದೆ’ ಎಂದುಆರ್. ಬಾಲಸುಬ್ರಹ್ಮಣ್ಯಂ ಅವರು ಸದಸ್ಯರಿಗೆ ತಿಳಿಸಿದರು.</p>.<p>ಬೆಳವಾಡಿ ಗ್ರಾಮದಲ್ಲಿ ಪಂಚಾಯಿತಿ ಹಾಗೂಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ತಲಾ ಒಂದು ಕುಡಿಯುವ ನೀರಿನ ಘಟಕಗಳಿದ್ದರೆ. ಖಾಸಗಿಯವರ ನಾಲ್ಕು ಘಟಕಗಳಿವೆ. ಬಹುತೇಕ ಎಲ್ಲಾ ಮನೆಗಳ ಮುಂದೆ ಡ್ರಮ್, ಸಿಮೆಂಟ್ ತೊಟ್ಟಿ ಹಾಗೂ ಬಕೆಟ್ಗಳಲ್ಲಿ ನೀರುಸಂಗ್ರಹಿಸಿರುವುದು ಕಂಡು ಬಂತು.</p>.<p>‘ಕೆರೆ ನೀರು ಮಲಿನಗೊಂಡು ಹಸಿರು ಬಣ್ಣಕ್ಕೆ ತಿರುಗಿರುವುದಲ್ಲದೇ ವಾಸನೆಯೂ ಬರುತ್ತಿದೆ. ಕೆರೆ ಪಕ್ಕದಲ್ಲೇ ಕೊರೆಸಿರುವ ಕೊಳವೆ ಬಾವಿಗಳ ನೀರನ್ನೇ ನಾವು ಕುಡಿಯಬೇಕಾ’ ಎಂದು ಪ್ರಶ್ನಿಸುತ್ತಾರೆ ಬೋರೇಗೌಡ.</p>.<p>ಬಾಲಸುಬ್ರಹ್ಮಣ್ಯಂ ಅವರು, ನೀರು ಪೋಲು ಮಾಡುತ್ತಿದ್ದ ಜಾಗದಲ್ಲೆಲ್ಲಾ ಹೋಗಿ ಗ್ರಾಮಸ್ಥರಿಗೆ ನೀರಿನ ಮಹತ್ವದ ಬಗ್ಗೆ ಅರಿವು ಮೂಡಿಸುವ ಜೊತೆಗೆ ವಿದ್ಯಾರ್ಥಿಗಳಂತೆ ಮಾಹಿತಿ ಪಡೆದುಕೊಳ್ಳುತ್ತಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು: </strong>‘ಗ್ರಾಮದ ಚರಂಡಿ ಕಲ್ಮಶ ಕೆರೆ ಒಡಲು ಸೇರಿ ಹಸಿರು ಬಣ್ಣಕ್ಕೆ ತಿರುಗಿದೆ. ಪಂಚಾಯಿತಿಯಿಂದ ಮೂರು ದಿನಗಳಿಗೊಮ್ಮೆ ಬಿಡುವ ನೀರೂ ಕುಡಿಯಲು ಯೋಗ್ಯವಿಲ್ಲ. ಖಾಸಗಿಯವರ ನೀರಿನ ಘಟಕಗಳೇ ಕುಡಿಯಲು ಗತಿ...’</p>.<p>ಸ್ವಾಮಿ ವಿವೇಕಾನಂದ ಯೂತ್ ಮೂವ್ಮೆಂಟ್ (ಎಸ್ವಿವೈಎಂ) ಹಾಗೂ ‘ಗ್ರಾಮ್’ ಸಂಸ್ಥೆ ಆಯೋಜಿಸಿದ್ದ‘ನನ್ನೊಳಗಿನ ನಡಿಗೆ’ (ವಾಕ್ ವಿತ್ಇನ್) ಕಾರ್ಯಕ್ರಮದ ಮೊದಲ ದಿನಮೈಸೂರು ತಾಲ್ಲೂಕಿನ ಬೆಳವಾಡಿ ಗ್ರಾಮದ ಬಹುತೇಕ ಮಹಿಳೆಯರಿಂದ ಕೇಳಿಬಂದ ಮಾತುಗಳಿವು.</p>.<p>ನೀರು ಮತ್ತು ನೈರ್ಮಲ್ಯದ ಬಗ್ಗೆ ವಾಸ್ತವ ಅರಿಯಲುಎಸ್ವಿವೈಎಂ ಸಂಸ್ಥಾಪಕ ಡಾ. ಆರ್. ಬಾಲಸುಬ್ರಹ್ಮಣ್ಯಂ ನೇತೃತ್ವದ ತಂಡ ಬೆಳವಾಡಿ ಗ್ರಾಮದಲ್ಲಿ ಒಂದು ಸುತ್ತು ಹಾಕಿತು.</p>.<p>ಗ್ರಾಮ ಪಂಚಾಯಿತಿಯಿಂದ ಮೂರು ದಿನಗಳಿಗೊಮ್ಮೆ ಬೆಳಿಗ್ಗೆ 5ರಿಂದ 7ರವರೆಗೆ ನೀರು ಬಿಡುತ್ತಾರೆ. ಅದಕ್ಕಾಗಿ ಚಾತಕ ಪಕ್ಷಿಯಂತೆ ಕಾಯಬೇಕು, ಈ ನೀರು ಸಹಾ ಮಲಿನವಾಗಿರುತ್ತದೆ. ಹಸಿರುಗಟ್ಟಿದ ಕೆರೆ ಪಕ್ಕದಲ್ಲೇ ಕುಡಿಯುವ ನೀರಿಗಾಗಿ ಕೊಳವೆ ಬಾವಿಗಳನ್ನು ಕೊರೆಸಲಾಗಿದೆ ಎಂಬುದು ಬೆಳವಾಡಿ ಸ್ಥಳೀಯರ ಆರೋಪವಾಗಿತ್ತು.</p>.<p>‘ರಸ್ತೆ ಡಾಂಬರೀಕರಣಗೊಂಡಿಲ್ಲ. ಚರಂಡಿ ಸ್ವಚ್ಛಗೊಳಿಸಿಲ್ಲ. ಯಾರೇ ಜನಪ್ರತಿನಿಧಿಗಳು ಬಂದರೂ ಗ್ರಾಮದ ಸಮಸ್ಯೆ ಬಗ್ಗೆ ಕೇಳುತ್ತೇವೆ. ಕುಡಿಯುವ ನೀರಿಗಾಗಿ ಬಹುತೇಕ ಎಲ್ಲರೂ ಖಾಸಗಿ ಶುದ್ಧ ನೀರಿನ ಘಟಕಗಳನ್ನೇ ಅವಲಂಭಿಸಿದ್ದೇವೆ. ₹ 5 ಕ್ಕೆ 20 ಲೀಟರ್ ಫಿಲ್ಟರ್ ನೀರು ಬರುತ್ತದೆ’ ಎಂದು ಹೇಳುತ್ತಾ ಕೋಳಿಗೆ ಕಾಳು ಹಾಕಿದರು ಕಮಲಮ್ಮ.</p>.<p>‘ಗ್ರಾಮೀಣ ಪ್ರದೇಶಗಳು ನಗರದೊಂದಿಗೆ ವಿಲೀನಗೊಂಡು ಹಾಗೂಕೈಗಾರಿಕೀಕರಣದಿಂದ ಏನೆಲ್ಲಾ ಸಮಸ್ಯೆಗಳು ಎದುರಾಗಿವೆ ಎಂಬುದು ಅರಿವಾಯಿತು. ಇಲ್ಲಿನ ಹಾಗೂ ನಗರದ ಶಾಲೆಗಳನ್ನು ಗಮನಿಸಿದರೆ ಅಭಿವೃದ್ಧಿಯಲ್ಲಿನ ಅಸಮಾನತೆ ಗೊತ್ತಾಗುತ್ತದೆ’ ಎಂದುಆರ್. ಬಾಲಸುಬ್ರಹ್ಮಣ್ಯಂ ಅವರು ಸದಸ್ಯರಿಗೆ ತಿಳಿಸಿದರು.</p>.<p>ಬೆಳವಾಡಿ ಗ್ರಾಮದಲ್ಲಿ ಪಂಚಾಯಿತಿ ಹಾಗೂಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ತಲಾ ಒಂದು ಕುಡಿಯುವ ನೀರಿನ ಘಟಕಗಳಿದ್ದರೆ. ಖಾಸಗಿಯವರ ನಾಲ್ಕು ಘಟಕಗಳಿವೆ. ಬಹುತೇಕ ಎಲ್ಲಾ ಮನೆಗಳ ಮುಂದೆ ಡ್ರಮ್, ಸಿಮೆಂಟ್ ತೊಟ್ಟಿ ಹಾಗೂ ಬಕೆಟ್ಗಳಲ್ಲಿ ನೀರುಸಂಗ್ರಹಿಸಿರುವುದು ಕಂಡು ಬಂತು.</p>.<p>‘ಕೆರೆ ನೀರು ಮಲಿನಗೊಂಡು ಹಸಿರು ಬಣ್ಣಕ್ಕೆ ತಿರುಗಿರುವುದಲ್ಲದೇ ವಾಸನೆಯೂ ಬರುತ್ತಿದೆ. ಕೆರೆ ಪಕ್ಕದಲ್ಲೇ ಕೊರೆಸಿರುವ ಕೊಳವೆ ಬಾವಿಗಳ ನೀರನ್ನೇ ನಾವು ಕುಡಿಯಬೇಕಾ’ ಎಂದು ಪ್ರಶ್ನಿಸುತ್ತಾರೆ ಬೋರೇಗೌಡ.</p>.<p>ಬಾಲಸುಬ್ರಹ್ಮಣ್ಯಂ ಅವರು, ನೀರು ಪೋಲು ಮಾಡುತ್ತಿದ್ದ ಜಾಗದಲ್ಲೆಲ್ಲಾ ಹೋಗಿ ಗ್ರಾಮಸ್ಥರಿಗೆ ನೀರಿನ ಮಹತ್ವದ ಬಗ್ಗೆ ಅರಿವು ಮೂಡಿಸುವ ಜೊತೆಗೆ ವಿದ್ಯಾರ್ಥಿಗಳಂತೆ ಮಾಹಿತಿ ಪಡೆದುಕೊಳ್ಳುತ್ತಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
