ವೈಫೈ ಹಾಟ್‌ಸ್ಪಾಟ್‌ ಆಗಲಿದೆಯೇ ಮೈಸೂರು ಚಾಮುಂಡಿ ಬೆಟ್ಟ?: ನೂತನ ಪ್ರಸ್ತಾವ

ಮೈಸೂರು : ಭಕ್ತರ ಆರಾಧನೆಯ ಪುಣ್ಯ ಸ್ಥಳ ಹಾಗೂ ವಾಯುವಿಹಾರಿಗಳು, ಪರಿಸರಪ್ರಿಯರ ಅಚ್ಚುಮೆಚ್ಚಿನ ತಾಣವಾದ ಚಾಮುಂಡಿಬೆಟ್ಟ ವೈಫೈ ಹಾಟ್ಸ್ಪಾಟ್ ಆಗಿ ಬದಲಾವಣೆಯಾಗುವ ದಿನಗಳು ದೂರವಿಲ್ಲ.

. ತೀರ್ಥಕ್ಷೇತ್ರಗಳ ಪುನಶ್ಚೇತನ, ಅಧ್ಯಾತ್ಮ ಮತ್ತು ಪಾರಂಪರಿಕ ವರ್ಧನೆ ಯೋಜನೆ (ಪ್ರಸಾದ)ಯಡಿ ರಾಜ್ಯಸರ್ಕಾರವು ಕೇಂದ್ರ ಸರ್ಕಾರಕ್ಕೆ ಸಲ್ಲಿಸಿರುವ ಪ್ರಸ್ತಾವದಲ್ಲಿ ಈ ಅಂಶವೂ ಇದೆ. ಒಂದು ವೇಳೆ ಇದಕ್ಕೆ ಒಪ್ಪಿಗೆ ದೊರೆತರೆ ಬೆಟ್ಟದ ಮೇಲೆ ಹಲವು ವೈಫೈ ಹಾಟ್ಸ್ಪಾಟ್ಗಳು ತಲೆ ಎತ್ತಲಿವೆ.

. ಭಕ್ತಿಯ ಕೇಂದ್ರವಾದ ಬೆಟ್ಟದಲ್ಲಿ ಇಂತಹ ವೈಫೈ ಹಾಟ್ಸ್ಪಾಟ್ಗಳು ಏಕೆ ಬೇಕು ಎನ್ನುವ ಪ್ರಶ್ನೆ ಭಕ್ತರದ್ದು ಮಾತ್ರವಲ್ಲ ಸಾರ್ವಜನಿಕರದ್ದೂ ಆಗಿದೆ.

. ಈ ಕುರಿತು ಪ್ರತಿಕ್ರಿಯಿಸಿದ ಚಾಮುಂಡೇಶ್ವರಿ ದೇಗುಲದ ಅರ್ಚಕರೊಬ್ಬರು ‘ಇಂತಹ ಹಾಟ್ಸ್ಪಾಟ್ಗಳು ಬೇಡ’ ಎಂದರು.

. ‘ಭಕ್ತರಿಗೆ ಅನುಕೂಲವಾಗುವ, ಅಧ್ಯಾತ್ಮವನ್ನು ಮತ್ತಷ್ಟು ವಿಸ್ತರಿಸುವ ಯೋಜನೆಗಳು ಬೇಕೇ ವಿನಹಾ ಇಂತಹ ಕುಲಗೇಡಿ ಯೋಜನೆಗಳಾದರೂ ಏಕೆ?’ ಎಂದು ಪ್ರಶ್ನಿಸಿದರು.

. ’ನೆಟ್ವರ್ಕ್ ಸಿಗಬಾರದು ಎಂದು ರೆಸಾರ್ಟ್ಗಳಲ್ಲಿ ಶಾಂತಿಯನ್ನು ಹರಸುವ ಹೊತ್ತಿನಲ್ಲಿ ನಿಜವಾದ ಶಾಂತಿ ನೀಡುವ ಬೆಟ್ಟಕ್ಕೆ ವೈಫೈ ಸಂಪರ್ಕ ನೀಡುವುದು ಸರಿಯಲ್ಲ’ ಎಂದು ಅವರು ಖಂಡಿಸಿದರು.

. ಈಗಾಗಲೇ ಹಲವು ಯುವಕ, ಯುವತಿಯರು ಇಲ್ಲಿ ಕಾಲಕಳೆಯಲೆಂದು ಬರುತ್ತಾರೆ. ಬೆಟ್ಟದ ಮೂಲೆಮೂಲೆಗಳಲ್ಲೂ ನಿತ್ಯ ಕಾಣಸಿಗುತ್ತಾರೆ. ಉಚಿತ ವೈಫೈ ದೊರೆತರೆ ಇಂತಹವರ ಸಂಖ್ಯೆಯೇ ಭಕ್ತರಿಗಿಂತಲೂ ಹೆಚ್ಚಾಗುವ ಸಾಧ್ಯತೆಗಳಿವೆ.

. ಪ್ರಸ್ತಾವದಲ್ಲಿ ‘ಸ್ಮಾರ್ಟ್ ಐಟಿ’ ಎಂಬ ಅಂಶವೂ ಇದೆ. ಆದರೆ ಯಾವ ಸ್ಮಾರ್ಟ್ ಐಟಿ ಯೋಜನೆಗಳು ಬರಲಿವೆ ಎಂಬ ಮಾಹಿತಿಯನ್ನು ಬಹಿರಂಗಪಡಿಸಿಲ್ಲ.

. ಈ ಕುರಿತು ಪ್ರತಿಕ್ರಿಯಿಸಿದ ಬೆಟ್ಟಕ್ಕೆ ಪ್ರತಿ ಶುಕ್ರವಾರ ಬರುವ ಮಮತಾ, ‘ಭಕ್ತಿಯಿಂದ ದರ್ಶನ ಮಾಡಬೇಕಾದ ದೇವರ ಸನ್ನಿಧಿಯಲ್ಲಿ ವೈಫೈ ಸೌಲಭ್ಯ ನೀಡುವಂತಹ ಯೋಚನೆ ಸರ್ಕಾರಕ್ಕೆ ಏಕಾದರೂ ಬಂತು ಎಂದು ಅರ್ಥವಾಗುತ್ತಿಲ್ಲ. ವೈಫೈ ಬೇಕು ಎಂದು ಯಾವ ಭಕ್ತರು ಮನವಿ ಮಾಡಿದ್ದರು’ ಎಂದು ಪ್ರಶ್ನಿಸಿದರು.

. ‘ಯೋಜನೆ ಇನ್ನೂ ಅಂತಿಮಗೊಂಡಿಲ್ಲ. ಎಲ್ಲವೂ ಪ್ರಸ್ತಾವಗಳ ಹಂತದಲ್ಲೇ ಇದ್ದು, ಮುಂದೆ ಸಾಕಷ್ಟು ಬದಲಾವಣೆಗಳಾಗಲಿವೆ. ಸರ್ಕಾರದ ಮಟ್ಟದಲ್ಲಿ ತೀರ್ಮಾನ ಕೈಗೊಳ್ಳಲಾಗುತ್ತದೆ’ ಎಂದು ಪ್ರವಾಸೋದ್ಯಮ ಇಲಾಖೆಯ ಅಧಿಕಾರಿಯೊಬ್ಬರು ಪ್ರತಿಕ್ರಿಯಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವೈಫೈ ಹಾಟ್‌ಸ್ಪಾಟ್‌ ಆಗಲಿದೆಯೇ ಮೈಸೂರು ಚಾಮುಂಡಿ ಬೆಟ್ಟ?: ನೂತನ ಪ್ರಸ್ತಾವ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ