ನಂಜನಗೂಡು: ನಾಲೆಗೆ ಬಿದ್ದು ದಂಪತಿ ಸಾವು

ಹುಸ್ಕೂರಿನ ಶಂಕರ್ (30) ಹಾಗೂ ಪತ್ನಿ ಬೇಬಿ (26) ಮೃತರು. ಇವರಿಗೆ ಐದು ವರ್ಷದ ಗಂಡು ಮಗುವಿದೆ.

ಬಟ್ಟೆ ತೊಳೆಯುವಾಗ ಕಾಲು ಜಾರಿ ಬಿದ್ದ ಬೇಬಿಯನ್ನು ಪತಿ ಶಂಕರ್, ರಕ್ಷಿಸಲು ಹೋಗಿ ಅವರೂ ನೀರಿನಲ್ಲಿ ಮುಳುಗಿದರು. ನೀರಿನ ರಭಸಕ್ಕೆ ಇಬ್ಬರು ಕೊಚ್ಚಿಕೊಂಡು ಹೋದರು.

ಕಳಲೆ ಬಳಿ ಗುರುವಾರ ದಂಪತಿ ಮೃತದೇಹ ಪತ್ತೆಯಾಗಿವೆ. ನುರಿತ ಈಜುಗಾರರ ಸಹಾಯದಿಂದ ಶವಗಳನ್ನು ಹೊರತೆಗೆದು ಸರ್ಕಾರಿ ಆಸ್ಪತ್ರೆಯ ಶವಾಗಾರದಲ್ಲಿ ಮರಣೋತ್ತರ ಪರೀಕ್ಷೆ ನಡೆಸಿ ವಾರಸುದಾರರಿಗೆ ಹಸ್ತಾಂತರಿಸಲಾಗಿದೆ.

ನಂಜನಗೂಡು ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.