‘ರೋಹಿಣಿ ಅವರು ಮೈಸೂರು ಜಿಲ್ಲಾಧಿಕಾರಿಯಾಗಿ ವರ್ಗವಾಗಿ ಬಂದಾಗ ಎಟಿಐ ಅತಿಥಿ ಗೃಹದಲ್ಲಿ ತಂಗಿದ್ದರು. ಅವರು ಜಿಲ್ಲಾಧಿಕಾರಿ ನಿವಾಸಕ್ಕೆ ತೆರಳಿದ ನಂತರ, ಎಟಿಐ ವಸತಿಗೃಹದಲ್ಲಿನ ಸಾಮಗ್ರಿಗಳು ನಾಪತ್ತೆಯಾಗಿವೆ ಎಂದು ಅಲ್ಲಿನ ಅಧಿಕಾರಿಗಳು ಹೇಳಿದ್ದಾರೆ. ಒಟ್ಟು 23 ಸಾಮಗ್ರಿಗಳಿಗೆ ₹ 77,296 ಆಗುತ್ತದೆ. ಅದನ್ನು ರೋಹಿಣಿ ಅವರ ವೇತನದಿಂದ ಕಡಿತಗೊಳಿಸಿ ಸಂಸ್ಥೆಗೆ ಜಮಾ ಮಾಡುವಂತೆ ಅಲ್ಲಿನ ಅಧಿಕಾರಿಗಳು ಸರ್ಕಾರಕ್ಕೆ ಪತ್ರ ಬರೆದಿದ್ದಾರೆ. ಅವರ ವೇತನದಿಂದ ಹಣ ಪಡೆಯುವ ಬದಲಿಗೆ, ಪಾರಂಪರಿಕವಾದ ಸಾಮಗ್ರಿಗಳನ್ನು ವಾಪಸ್ ಪಡೆಯಲು ಕ್ರಮ ವಹಿಸಬೇಕು’ ಎಂದು ಕೋರಿದರು.
