ಮೈಸೂರು: ಜಿಲ್ಲೆಯ ತಾಲ್ಲೂಕಿನೊಂದರ 28 ವರ್ಷದ ಗೃಹಿಣಿಯೊಬ್ಬರು ತನಗೆ ‘ಫೇಸ್ಬುಕ್’ನಲ್ಲಿ ಪರಿಚಯನಾದ ವ್ಯಕ್ತಿಯೊಬ್ಬರ ಜತೆ ಪರಾರಿಯಾಗಿದ್ದು, ಬಸವನ ಬಾಗೇವಾಡಿಯಲ್ಲಿ ಪತ್ತೆಯಾಗಿದ್ದಾರೆ.
5 ವರ್ಷದ ಹಿಂದೆ ಸಂಬಂಧಿಕರೊಬ್ಬರನ್ನು ವಿವಾಹವಾಗಿದ್ದ ಮಹಿಳೆಗೆ ಮಕ್ಕಳಿರಲಿಲ್ಲ. ‘ಫೇಸ್ಬುಕ್’ನಲ್ಲಿ ಪರಿಚಯನಾದ ವ್ಯಕ್ತಿಯೊಂದಿಗೆ ಒಂದು ವಾರದ ಹಿಂದೆ ಇವರು ಬಸವನಬಾಗೇವಾಡಿಗೆ ತೆರಳಿದ್ದಾರೆ. ಈ ವಿಚಾರ ಗೊತ್ತಿರದ ಪತಿ ಪೊಲೀಸರಿಗೆ ದೂರು ನೀಡಿದ್ದರು.
ಪೊಲೀಸರು ಮಹಿಳೆ ಮತ್ತು ಆಕೆಯ ಫೇಸ್ಬುಕ್ ಸ್ನೇಹಿತನನ್ನು ಠಾಣೆಗೆ ಕರೆದುಕೊಂಡು ಬಂದು ವಿಚಾರಣೆ ನಡೆಸಿದ್ದಾರೆ. ಸದ್ಯ, ಮಹಿಳೆಯನ್ನು ಸಾಂತ್ವನ ಕೇಂದ್ರಕ್ಕೆ ಕಳುಹಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.