ರಾಯಚೂರು ಜಿಲ್ಲೆಯಲ್ಲಿ ಮತ್ತೆ 202 ಕೋವಿಡ್ ದೃಢ

ಜಿಲ್ಲೆಯ ದೇವದುರ್ಗ ತಾಲ್ಲೂಕಿನಲ್ಲಿ 50, ಲಿಂಗಸೂಗೂರು 44, ಮಾನ್ವಿ 70, ಸಿಂಧನೂರು 110 ಹಾಗೂ ರಾಯಚೂರು ತಾಲ್ಲೂಕಿನಿಂದ 185 ಸೇರಿದಂತೆ ಒಟ್ಟು 432 ಜನರ ಮಾದರಿಯನ್ನು ಕೋವಿಡ್ ಶಂಕೆ ಹಿನ್ನೆಲೆಯಲ್ಲಿ ವರದಿಗಾಗಿ ಭಾನುವಾರ ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದೆ.

ಭಾನುವಾರ ಬಂದ ವರದಿಗಳಲ್ಲಿ 656 ನೆಗೆಟಿವ್ ಆಗಿದ್ದು, ಇದುವರೆಗೆ ಒಟ್ಟು 46,668 ಜನರ ಮಾದರಿಯನ್ನು ಕೊರೊನಾ ಪರೀಕ್ಷೆಗಾಗಿ ಕಳುಹಿಸಲಾಗಿದೆ.ಈ ಪೈಕಿ 42,180 ವರದಿಗಳು ನೆಗೆಟಿವ್ ಆಗಿವೆ. ಉಳಿದ 260 ಸ್ಯಾಂಪಲ್‌ಗಳ ಫಲಿತಾಂಶ ಇನ್ನೂ ಬರಬೇಕಿದೆ. ಒಟ್ಟು 409 ಜನರನ್ನು ಸಾಂಸ್ಥಿಕ ಕ್ವಾರೆಂಟೈನ್‌ನಲ್ಲಿರಿಸಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ಜಿಲ್ಲಾಧಿಕಾರಿ ಆರ್.ವೆಂಕಟೇಶ ಕುಮಾರ ತಿಳಿಸಿದ್ದಾರೆ.