’ಗಣಪತಿ ಬಪ್ಪ ಮೊರಯಾ‘ ಎಲ್ಲೆಡೆಯಲ್ಲೂ ಮೊಳಗಿತ್ತು. ಬಡಾವಣೆ ಗಡಿ ದಾಟಿದ ಬಳಿಕ ಆಯಾ ಬಡಾವಣೆಗಳ ಗಜಾನನ ಸಮಿತಿಗಳ ಸದಸ್ಯರು ಮತ್ತು ಗಜಾನನ ಮಿತ್ರ ಮಂಡಳಿ ಸದಸ್ಯರಿಂದ ನೃತ್ಯದ ಅಬ್ಬರ ಇನ್ನೂ ಹೆಚ್ಚಾಯಿತು. ರಂಗುರಂಗಿನ ವಿದ್ಯುತ್ ದೀಪಗಳು, ಭಕ್ತಿಗೀತೆಗಳು, ನೃತ್ಯಗೀತೆಗಳು... ಹೀಗೆ ತರಹೇವಾರಿ ಸಂಗೀತದಲ್ಲಿ ತೇಲಾಡಿಕೊಂಡು, ಓಲಾಡಿಕೊಂಡು ಯುವಕರು ಗಣೇಶನನ್ನು ವಿಸರ್ಜನೆ ಕೆರೆತಂದಿದ್ದರು. ಟ್ಯಾಂಕ್ಬಂಡ್ ರಸ್ತೆ, ಗಂಗಾನಿವಾಸ ರಸ್ತೆಗಳುದ್ದಕ್ಕೂ ವಾಹನಗಳ ಸಾಲು, ಯುವಕರ ಗುಂಪುಗಳಿದ್ದವು.