ಮಸ್ಕಿ (ರಾಯಚೂರು ಜಿಲ್ಲೆ): ಪಟ್ಟಣದ ಭ್ರಮರಾಂಬಾ ದೇವಿ ರಥೋತ್ಸವವನ್ನು ಸಂಭ್ರಮದಿಂದ ನೆರವೇರಿಸಲಾಯಿತು.
ದೇವಿಯ ಪುರಾಣ ಮಂಗಲೋತ್ಸವ ದಿನ ಶನಿವಾರ, ಸಂಪ್ರದಾಯದಂತೆ ಮಹಿಳೆಯರು ರಥ ಎಳೆದು ಭಕ್ತಿ ಸಮರ್ಪಿಸಿದರು.
ಕೊರೊನಾ ಭೀತಿ ಹಿನ್ನೆಲೆಯಲ್ಲಿ ದೇವಿ ಪುರಾಣದ 50ನೇ ವರ್ಷದ ಅದ್ದೂರಿ ಆಚರಣೆಯನ್ನು ಕೈ ಬಿಟ್ಟ ದೇವಸ್ಥಾನದ ಆಡಳಿತ ಮಂಡಳಿಯು ಸರಳವಾಗಿ ಪುರಾಣ ಮಂಗಲೋತ್ಸವ ಆಚರಿಸಿತು.
ಪ್ರತಿ ವರ್ಷದಂತೆ ನಡೆಯುತ್ತಿದ್ದ ಜಂಬೂ ಸವಾರಿ, ಸಾವಿರ ಕುಂಭಗಳ ಮೆರವಣಿಗೆ, ವಿವಿಧ ಕಲ ತಂಡಗಳನ್ನು ಈ ಸಾರಿ ಸ್ಥಗಿತಗೊಳಿಸಿ ಕೇವಲ ಐದು ಕುಂಭಗಳು ಹಾಗೂ ಬೆರಳಣಿಕೆಯಷ್ಟು ಭಕ್ತರ ಸಮ್ಮುಖದಲ್ಲಿ ಉತ್ಸವ ಮೂರ್ತಿಯ ಮೆರವಣಿಗೆ ನಡೆಸಲಾಯಿತು.
ಅಗಸಿ ಮುಂಭಾಗ ದೇವಿಯ ಮೂರ್ತಿಗೆ ಪೂಜೆ ಸಲ್ಲಿಸಿದ ನಂತರ ಪ್ರಮುಖ ಬೀದಿಗಳ ಮುಖಾಂತರ ಭ್ರಮರಾಂಬಾ ದೇವಸ್ಥಾನಕ್ಕೆ ರಥೋತ್ಸವ ಆಗಮಿಸಿತು.