ವೈರಸ್ ಬಾರದಂತೆ ಮುನ್ನಚ್ಚರಿಕೆ ಕ್ರಮಗಳ ಮೊರೆ ಹೋಗಿರುವ ಬಹುತೇಕ ಹಿರಿಯರು, ಮಹಿಳೆಯರು ಎಂದಿನಂತೆ ಹೋಳಿ ಸಂಭ್ರಮದಲ್ಲಿ ಪಾಲ್ಗೊಳ್ಳಲಿಲ್ಲ. ಹಿಂದೂ ಸಂಪ್ರದಾಯ ಪಾಲನೆ ಬಿಡಬಾರದು ಎನ್ನುವುದಕ್ಕಾಗಿ ಕೆಲವು ಬಡಾವಣೆಗಳಲ್ಲಿ ಮಹಿಳೆಯರು ಹಾಗೂ ಮಕ್ಕಳು ಸಾಂಕೇತಿಕವಾಗಿ ಕೆಲಕಾಲ ಮಾತ್ರ ಪರಸ್ಪರ ಬಣ್ಣ ಎರಚಿಕೊಂಡು ಸಂತೋಷ ಪಟ್ಟರು. ಹಬ್ಬದ ಸಂಭ್ರಮ, ಸಡಗರವನ್ನು ನಿರ್ಭೀತಿಯಿಂದ ಆಚರಿಸದೆ ಇರುವುದಕ್ಕೆ ಬಹಳಷ್ಟು ಜನರಲ್ಲಿ ಅಸಮಾಧಾನ ಮನೆಮಾಡಿತ್ತು. ಎಲ್ಲೆಡೆಯಲ್ಲೂ ಈ ಬಗ್ಗೆ ಪರಸ್ಪರ ಚರ್ಚಿಸುತ್ತಿರುವುದು ಕಂಡುಬಂತು.