ಲಿಂಗಸುಗೂರು: ‘ಬಸವೇಶ್ವರ ಪತ್ತಿನ ಸೌಹಾರ್ದ ಸಹಕಾರಿ ಸಂಘ 2023-24ನೇ ಸಾಲಿನಲ್ಲಿ ₹88.47 ಕೋಟಿ ವ್ಯವಹಾರ ಮಾಡಿ ₹1.68ಕೋಟಿ ನಿವ್ವಳ ಲಾಭ ಗಳಿಸಿದೆ’ ಎಂದು ಸಹಕಾರಿ ಅಧ್ಯಕ್ಷ ಆದೇಶಪ್ಪ ಹೆರೂರ ತಿಳಿಸಿದ್ದಾರೆ.
ಬುಧವಾರ ಸುದ್ದಿಗಾರರಿಗೆ ಮಾಹಿತಿ ನೀಡಿದ ಅವರು, ‘₹29.43ಲಕ್ಷ ಷೇರು ಬಂಡವಾಳ, ₹3.61 ಕೋಟಿ ನಿಧಿ, ₹45.91ಕೋಟಿ ಠೇವಣಿ ಹೊಂದಿರುತ್ತದೆ. ₹42.56 ಕೋಟಿ ವಿವಿಧ ಸಾಲ ನೀಡಿದ್ದು, ₹52.16ಕೋಟಿ ದುಡಿಯುವ ಬಂಡವಾಳ ಮತ್ತು ₹88.47ಕೋಟಿ ವಹಿವಾಟು ನಡೆಸಿದೆ’ ಎಂದರು. ಮುಖ್ಯ ಕಾರ್ಯನಿರ್ವಾಹಕ ಸಾಗರ ಗಂಗಾವತಿ ಇದ್ದರು.
