ರಾಮನಗರ: ಜಿಲ್ಲೆಯಲ್ಲಿ ಮಂಗಳವಾರ 19 ಮಂದಿಯಲ್ಲಿ ಕೋವಿಡ್-19 ಸೋಂಕು ಪತ್ತೆಯಾಗಿದ್ದು, ಸೋಂಕಿತರ ಸಂಖ್ಯೆ 169ಕ್ಕೆ ಏರಿಕೆಯಾಗಿದೆ.
ಚನ್ನಪಟ್ಟಣದಲ್ಲಿ 8, ರಾಮನಗರದಲ್ಲಿ 5, ಕನಕಪುರದಲ್ಲಿ 4 ಹಾಗೂ ಮಾಗಡಿಯಲ್ಲಿ 2 ಪ್ರಕರಣಗಳು ಪತ್ತೆಯಾಗಿವೆ. ಈ ಇದರಿಂದಾಗಿ ಒಟ್ಟಾರೆಯಾಗಿ ಕನಕಪುರ 59, ಮಾಗಡಿ 41, ಚನ್ನಪಟ್ಟಣ 38 ಮತ್ತು ರಾಮನಗರದ 31 ಮಂದಿಗೆ ಸೋಂಕು ತಗುಲಿದಂತೆ ಆಗಿದೆ.
ಐವರು ಬಿಡುಗಡೆ: ಮಂಗಳವಾರ ರಾಮನಗರ ಕೋವಿಡ್ ಆಸ್ಪತ್ರೆಯಿಂದ ಇಬ್ಬರು ಹಾಗು ಬೆಂಗಳೂರಿನ ರಾಜರಾಜೇಶ್ವರಿ ಆಸ್ಪತ್ರೆಯಿಂದ ಮೂವರು ಸೇರಿ ಒಟ್ಟು ಮಂಗಳವಾರ ಐದು ಮಂದಿ ಸೋಂಕಿನಿಂದ ಗುಣಮುಖರಾಗಿದ್ದಾರೆ. ಒಟ್ಟು 76 ಮಂದಿ ಗುಣಮುಖರಾಗಿದ್ದಾರೆ. 93 ಪ್ರಕರಣಗಳು ಸಕ್ರಿಯವಾಗಿವೆ. ಇದುವರೆಗೆ ಜಿಲ್ಲೆಯಲ್ಲಿ ಒಟ್ಟು 5 ಮಂದಿ ಸಾವನ್ನಪ್ಪಿದ್ದಾರೆ.
