ಕಾಡುಹಂದಿ ಬೇಟೆ: ಐವರ ಬಂಧನ

ಕಾಕರಾಮನಹಳ್ಳಿ ನಿವಾಸಿ ವೀರಭದ್ರಯ್ಯ (40), ಗಾಣಗಲ್‌ ನಿವಾಸಿ ಸಿದ್ದರಾಜು (61), ಕೆಂಪನಹಳ್ಳಿ ನಿವಾಸಿ ರಾಮಚಂದ್ರಯ್ಯ (26), ಪಾದರಹಳ್ಳಿಯ ಮೋಹನ್‌ಕುಮಾರ್ (33), ಮುದ್ದಾಪುರ ಕರೇನಹಳ್ಳಿಯ ವೆಂಕಟರಮಣಪ್ಪ (61) ಬಂಧಿತರು.

ಇವರು ಕಾಡಿನಲ್ಲಿ ಸಿಡಿಮದ್ದಿನ ಉಂಡೆ ಇಟ್ಟು ಹಂದಿಯನ್ನು ಬೇಟೆಯಾಡಿದ್ದರು. ಬಳಿಕ ಅದರ ಮಾಂಸವನ್ನು ಹಂಚಿಕೊಳ್ಳುವ ಸಂದರ್ಭ ದಾಳಿ ಮಾಡಿ ಬಂಧಿಸಲಾಯಿತು ಎಂದು ವಲಯ ಅರಣ್ಯಾಧಿಕಾರಿ ದಾಳೇಶ್‌ ತಿಳಿಸಿದರು. ಬಿಡದಿ ಉಪ ವಲಯ ಅರಣ್ಯಾಧಿಕಾರಿ ನೇತೃತ್ವದ ಸಿಬ್ಬಂದಿ ದಾಳಿಯಲ್ಲಿ ಪಾಲ್ಗೊಂಡಿದ್ದರು.