ರೇಷ್ಮೆ ಇಳುವರಿ ಕುಸಿತದ ಆತಂಕ

ರಾಮನಗರ: ರೇಷ್ಮೆ ಗೂಡಿನ ಧಾರಣೆ ಇಲ್ಲದೇ ಕಂಗಾಲಾಗಿರುವ ರೇಷ್ಮೆ ಕೃಷಿಕರು, ಹಿಪ್ಪು ನೇರಳೆ ಕೀಟ ಬಾಧೆಯಿಂದಾಗಿ ರೋಸಿ ಹೋಗಿದ್ದಾರೆ. ಇನ್ನೊಂದೆಡೆ ರೇಷ್ಮೆ ಇಲಾಖೆಯ ಅಧಿಕಾರಿಗಳು ಕೀಟ ವಿಜ್ಞಾನಿಗಳ ಮೊರೆ ಹೋಗಿದ್ದಾರೆ.

. ಕೀಟ ಬಾಧೆಯಿಂದ ಶೇ 40ರಷ್ಟು ರೇಷ್ಮೆ ಗೂಡಿನ ಉತ್ಪಾದನೆ ಕುಸಿಯುತ್ತದೆ ಎಂದು ರೇಷ್ಮೆ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ. ಫೈಟೋಟಾರ್ಸ ನೋಮಸ್ ಲಾಟಸ್ ಎಂಬ ಕೀಟ ಹಿಪ್ಪು ನೇರಳೆ ಗಿಡದ ಎಲೆಗಳನ್ನು ನಾಶ ಮಾಡುತ್ತಿವೆ. ಈಗಾಗಲೇ ಈ ಕೀಟ ಜಿಲ್ಲಾದ್ಯಂತ ಹರಡಿದೆ. ಈ ಕೀಟ ಬಾಧೆಯ ನಿವಾರಣೆಗೆ ಔಷಧಗಳು ಇವೆಯಾದರೂ ಅದನ್ನು ಬಳಸಿದರೆ ಹತ್ತಿರದಲ್ಲಿರುವ ಆರೋಗ್ಯವಂತ ರೇಷ್ಮೆ ಹುಳುವಿನ ನಾಶಕ್ಕೂ ಕಾರಣವಾಗಲಿದೆ. ಈ ಸಂದಿಗ್ಧ ಪರಿಸ್ಥಿತಿಯಲ್ಲಿ ರೇಷ್ಮೆ ಇಲಾಖೆಯ ಅಧಿಕಾರಿಗಳು ವಿಜ್ಞಾನಿಗಳ ಮೊರೆ ಹೋಗಿದ್ದಾರೆ.

. ಹಿಪ್ಪು ನೇರಳೆ ತೋಟ ಅನೇಕ ಕೀಟಗಳ ಬಾಧೆಗೆ ಸಿಲುಕುತ್ತದೆ. ಸಾಮಾನ್ಯವಾಗಿ ಜೇಡ ಗುಂಪಿಗೆ ಸೇರಿದ ಫೈಟೊ ಟಾರ್ಸನೋಮಸ್ ಲಾಟಸ್ ಕೀಟ ಪ್ರಸಕ್ತ ವರ್ಷದಲ್ಲಿ ಹೆಚ್ಚು ಬಾಧಿಸುತ್ತಿದೆ. ರೇಷ್ಮೆ ಬೆಳೆಗಾರರಿಗೆ ನಷ್ಟವನ್ನು ಉಂಟು ಮಾಡುತ್ತಿದೆ. ಈ ಕೀಟಗಳು ಹಿಪ್ಪು ನೇರಳೆಯ ಎಲೆಗಳ ರಸ ಹೀರಿಕೊಳ್ಳುವುದರಿಂದ ಅದರ ಬೆಳವಣಿಗೆಯ ಮೇಲೆ ಪರಿಣಾಮ ಬೀರಿ ಗುಣಮಟ್ಟ ಕುಂಠಿತಗೊಳ್ಳುತ್ತವೆ. ಭೂಮಿಯಲ್ಲಿ ತೇವಾಂಶದ ಕೊರತೆ ಉಂಟಾದರೆ, ಈ ಕೀಟ ತನ್ನ ಪ್ರಭಾವ ಬೀರುವುದು ಹೆಚ್ಚು ಎಂದು ಅಧಿಕಾರಿಗಳು ವಿವರಿಸಿದ್ದಾರೆ.

. ಕೀಟ ಬಾಧೆಗೆ ತುತ್ತಾಗಿರುವ ತೋಟಗಳ ಎಲೆಗಳ ಮೇಲೆ ಮತ್ತು ಕೆಳ ಭಾಗಗಳಲ್ಲಿ ಅಧಿಕವಾಗಿರುತ್ತದೆ. ಕೀಟಗಳು ಸೊಪ್ಪಿನ ರಸ ಹೀರಿ ಕೆಳಭಾಗದ ಎಲೆಯ ನಡುವೆ ನುಸಿಯು ಹೊರಚೆಲ್ಲಿದ ಮೇಣವು ಒಂದು ರೀತಿಯಲ್ಲಿ ಚಾಪೆಯಂತಿರುತ್ತವೆ. ಎಲೆಗಳ ಮೇಲೆ ಹಳದಿ ಬಣ್ಣದ ಚುಕ್ಕೆಗಳು ಕಾಣಿಸಿಕೊಂಡು ಎಲೆಗಳು ಚಿಕ್ಕದಾಗಿ ಮೇಲ್ಮುಖವಾಗಿ ಮುದುಡಿ ದೋಣಿಯ ಆಕಾರವಾಗಿ ಬೆಳವಣಿಗೆಯು ಕುಂಠಿತಗೊಂಡು ಕ್ರಮೇಣ ಎಲೆ ಪೂರ್ತಿ ಕಂದು ಬಣ್ಣಕ್ಕೆ ತಿರುಗಿ ಎಲೆಯು ಒಣಗಿ ಉದುರಿ ಹೋಗುತ್ತದೆ.

. ಹಿಪ್ಪು ನೇರಳೆ ತೋಟದಲ್ಲಿ ಕೀಟ ಬಾಧೆಗೆ ಮ್ಯಾಜಿಸ್ಟರ್ ಅಥವಾ ಉಮೈಟ್ ಎಂಬ ಕೀಟ ನಾಶಕವನ್ನು ಶೇ 02 ಪ್ರಮಾಣದಲ್ಲಿ (ಅಂದರೆ 2 ಮಿಲೀ ಉಮೈಟ್ ಅಥವಾ ಮ್ಯಾಜಿಸ್ಟರ್ ಪ್ರತಿ ಲೀಟರ್ ನೀರಿಗೆ ಬೆರಸುವುದು) ದ್ರಾವಣವನ್ನು ಸಿದ್ಧಪಡಿಸಿಕೊಂಡು ಎಲೆಗಳ ಮೇಲ್ಭಾಗ ಮತ್ತು ಕೆಳಭಾಗವು ಸಂಪೂರ್ಣವಾಗಿ ನೆನೆಯುವಂತೆ ಸಿಂಪಡಿಸಬೇಕಾಗಿದೆ. ಆದರೆ, ಈ ದ್ರಾವಣ ಬಳಸಿದ ತೋಟಗಳ ಅಕ್ಕಪಕ್ಕದಲ್ಲಿ ರೇಷ್ಮೆ ಹುಳು ಇದ್ದರೆ ಅದರ ಮೇಲೆ ಪರಿಣಾಮ ಬೀರಿ ಹುಳು ನಾಶವಾಗುವ ಆತಂಕವಿದೆ.

. ಹೀಗಾಗಿ ಭಾದಿತ ಹಿಪ್ಪು ನೇರಳೆ ತೋಟ ಸ್ವತಂತ್ರವಾಗಿದ್ದರೆ ಮಾತ್ರ ಈ ದ್ರಾವಣವನ್ನು ಬಳಸಬಹುದು ಎಂದು ಅಧಿಕಾರಿಗಳು ಎಚ್ಚರಿಸಿದ್ದಾರೆ.

. ಹಿಪ್ಪುನೇರಳೆ ಬೆಳೆಯನ್ನು ಬಾದಿಸುತ್ತಿರುವ ಕೀಟನಾಶಕ್ಕೆ ವಿಜ್ಞಾನಿಗಳಿಗೆ ಮನವಿ ಮಾಡಲಾಗಿದೆ. ಬೆಂಗಳೂರಿನಲ್ಲಿರುವ ರಾಷ್ಟ್ರೀಯ ಕೃಷಿ ಕೀಟ ಸಂಪನ್ಮೂಲ ಬ್ಯೂರೋ (ಎನ್.ಬಿ.ಎ.ಐ.ಐ)ಗೆ ಪತ್ರ ಬರದು ಜೈವಿಕ ನಿಯಂತ್ರಣ ಕೀಟದ ವಿಚಾರವನ್ನು ಪ್ರಸ್ತಾಪಿಸಲಾಗಿದೆ. ಎಲೆ ಸುರಳಿ ಕೀಟ ಬಾಧಿಸಿದಾಗ ಟ್ರೈಕೋಕಾರ್ಡ್ ಎಂಬ ಕೀಟವನ್ನು ಬಳಸಿಕೊಳ್ಳಲಾಗಿತ್ತು. ಈ ಕೀಟ ಎಲೆ ಸುರುಳಿ ಕೀಟವನ್ನು ತಿಂದು ನಿಯಂತ್ರಣ ಸಾಧಿಸಲಾಗಿತ್ತು. ಇದೇ ರೀತಿಯಲ್ಲಿ ಪೈಟೋಟಾರ್ಸನೋಮಸ್ ಲಾಟಸ್ ಕೀಟ ನಿಯಂತ್ರವನ್ನು ಜೈವಿಕ ವಿಧಾನದಲ್ಲೇ ನಿಯಂತ್ರಿಸಲು ಮನವಿ ಮಾಡಲಾಗಿದೆ ಎಂದು ರೇಷ್ಮೆ ಇಲಾಖೆಯ ಸಹಾಯಕ ನಿರ್ದೇಶಕ ಕುಮಾರ್ ಸುಬ್ರಹ್ಮಣ್ಯ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರೇಷ್ಮೆ ಇಳುವರಿ ಕುಸಿತದ ಆತಂಕ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌