ಕನಕಪುರ: ಎಮ್ಮೆ, ಹಸುಗಳನ್ನು ಕೊಂದ ಆನೆ

ರಾಮನಗರ: ಕನಕಪುರ ತಾಲೂಕಿನ ಸಾತನೂರು ಹೋಬಳಿಯ ಗ್ರಾಮಗಳಲ್ಲಿ ಶುಕ್ರವಾರ ಆನೆಯೊಂದು ದಾಂದಲೆ ನಡೆಸಿದೆ.

ಬೆಳಗ್ಗೆ 8 ಗಂಟೆ ಸುಮಾರಿಗೆ ಸಾಸಲಪುರ ಗ್ರಾಮದಲ್ಲಿನ ಎರಡು ಸೀಮೆ ಹಸುಗಳ ಮೇಲೆ ಆನೆ ದಾಳಿ ನಡೆಸಿದೆ. ಕಾಲಿನಿಂದ ತುಳಿದು ಮರೀಗೌಡ ಎಂಬುವವರಿಗೆ ಸೇರಿದ ಎರಡು ಹಸುಗಳನ್ನು ಸಾಯಿಸಿದೆ.

ಪಕ್ಕದ ಹಲಸಿನ ಮರದೊಡ್ಡಿ ಗ್ರಾಮದ ಕೆಂಪೇಗೌಡ ಎಂಬುವವರಿಗೆ ಸೇರಿದ ಎಮ್ಮೆಯನ್ನೂ ಕೊಂದಿದೆ. ಪಕ್ಕದಲ್ಲಿದ್ದ ಹಸುಗಳ ಮೇಲೆಯೂ‌ ದಾಳಿ ನಡೆಸಿದೆ. ಬೈಕ್ ಒಂದನ್ನು ಜಖಂಗೊಳಿಸಿದೆ.

ಸಾರ್ವಜನಿಕರು ಪಟಾಕಿ ಸಿಡಿಸಿ ಆನೆಯನ್ನು ಅಲ್ಲಿಂದ ಓಡಿಸಿದ್ದಾರೆ. ಸದ್ಯ ಆನೆಯು ಕಬ್ಬಾಳು ವಲಯದ ಹಲಸಿನ ಮರದೊಡ್ಡಿ ಅರಣ್ಯದೊಳಗೆ ಸೇರಿದೆ. ಅರಣ್ಯ ಇಲಾಖೆ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿದ್ದಾರೆ.