ಶನಿವಾರ, ಜುಲೈ 24, 2021
20 °C

ಸಿದ್ದಲಿಂಗಯ್ಯರ ಮನೆ ಸ್ಮಾರಕವಾಗಿಸಿ: ಎಚ್.ಡಿ. ಜಯರಾಮ್

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಮಾಗಡಿ: ‘ಕವಿ ಡಾ.ಸಿದ್ದಲಿಂಗಯ್ಯ ಅವರು ಬಾಲ್ಯದಲ್ಲಿ ಆಡಿ ಬೆಳೆದ ಮನೆಯನ್ನು ರಾಷ್ಟ್ರೀಯ ಸ್ಮಾರಕವನ್ನಾಗಿಸಿ ಅಭಿವೃದ್ಧಿಪಡಿಸುವ ಮೂಲಕ ಕವಿಗೆ ಗೌರವ ಸಲ್ಲಿಸಬೇಕು’ ಎಂದು ಪ್ರಗತಿಪರ ಚಿಂತಕ ಎಚ್.ಡಿ. ಜಯರಾಮ್ ಒತ್ತಾಯಿಸಿದರು.

ಪಟ್ಟಣದ ಹೊಸಪೇಟೆಯಲ್ಲಿ ಅವರು ಬೆಳೆದ ಮನೆಯಂಗಳದಲ್ಲಿ ಶನಿವಾರ ನಡೆದ ಶ್ರದ್ಧಾಂಜಲಿ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಸಿದ್ದಲಿಂಗಯ್ಯ ಅವರು ರಚಿಸಿರುವ ಸಾಹಿತ್ಯದ ಎಲ್ಲಾ ಕೃತಿಗಳನ್ನು ಆಂಗ್ಲ ಭಾಷೆಗೆ ಭಾಷಾಂತರಿಸಿ ಅನ್ಯರಾಜ್ಯ ಮತ್ತು ವಿದೇಶಗಳ ಜನತೆ ಓದುವಂತೆ ಮಾಡಬೇಕು. ರಾಷ್ಟ್ರಕವಿ
ಯನ್ನಾಗಿ ಘೋಷಿಸಬೇಕು ಎಂದು ಮನವಿ ಮಾಡಿದರು.

ಬಿಜೆಪಿ ಯುವ ಮೋರ್ಚಾ ಜಿಲ್ಲಾ ಅಧ್ಯಕ್ಷ ಶಂಕರ್ ಮಾತನಾಡಿ, ಪಟ್ಟಣದ ಮುಖ್ಯ ಸರ್ಕಲ್‌ವೊಂದಕ್ಕೆ ಸಿದ್ದಲಿಂಗಯ್ಯ ಸರ್ಕಲ್ ಎಂದು ನಾಮಕರಣ ಮಾಡಬೇಕು ಎಂದರು.

ಹೋರಾಟಗಾರ್ತಿ ಶಾಂತಲಾದೇವಿ ಜಯರಾಮ್ ಮಾತನಾಡಿ, ಸಿದ್ದಲಿಂಗಯ್ಯ ರಚಿಸಿರುವ ಸಾಹಿತ್ಯ ಕೃತಿಗಳು ಕನ್ನಡ ಸಾಹಿತ್ಯದ ನೆಲಮೂಲ, ಸಾಂಸ್ಕೃತಿಕ ಪರಂಪರೆಯನ್ನು ಪ್ರತಿನಿಧಿಸುತ್ತಿವೆ. ಅವರು ತಳಮೂಲಗಳ ಬೆವರಿನ ಕವಿ ಎಂದು ಬಣ್ಣಿಸಿದರು.

ಮುಖಂಡರಾದ ರಂಗಸ್ವಾಮಿ, ಮಾದೇಶ್‌, ನಾರಾಯಣ, ತಿಮ್ಮರಾಜು, ಬಸವರಾಜ್, ಪುನೀತ್, ಪ್ರಶಾಂತ್, ರಂಗಮ್ಮ, ಗಿರಿಜಮ್ಮ, ಶಿಕ್ಷಕಿ ರಜನಿ, ಪೂರ್ಣಿಮಾ ರಂಗನಾಥ್‌ ಸಿದ್ದಲಿಂಗಯ್ಯ ಅವರ ಬದುಕಿನ ಘಟನೆಗಳನ್ನು ಮೆಲುಕು ಹಾಕಿದರು. ಮುಖಂಡರಾದ ದೇವರಾಜು, ಮುದ್ದರಂಗಯ್ಯ, ನರಸಯ್ಯ, ಜಗದೀಶ್, ಗಿರೀಶ್ ಇದ್ದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು