ಶಿವಮೊಗ್ಗ: ಜಿಲ್ಲೆಯಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಬುಧವಾರ ದ್ವಿಶತಕ ದಾಟಿದ್ದು, 251 ಮಂದಿಗೆ ಕೋವಿಡ್ ಸೋಂಕು ಬಂದಿದೆ.
ಈ ಪೈಕಿ 141 ಮಂದಿ ಶಿವಮೊಗ್ಗ ತಾಲ್ಲೂಕಿಗೆ ಸೇರಿದ್ದಾರೆ. ಭದ್ರಾವತಿಯ 43, ತೀರ್ಥಹಳ್ಳಿಯ ಒಬ್ಬರು, ಶಿಕಾರಿಪುರದ 10, ಸಾಗರದ 19, ಹೊಸನಗರದ 23, ಸೊರಬದ 2 ಹಾಗೂ ಹೊರ ಜಿಲ್ಲೆಯಿಂದ ಬಂದ 12 ಮಂದಿಗೆ ಸೋಂಕು ತಗುಲಿದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 747ಕ್ಕೆ ಏರಿಕೆಯಾಗಿದೆ.
ಸೋಂಕಿತರ ಪೈಕಿ 101 ಮಂದಿ ಕೋವಿಡ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. 64 ಸೋಂಕಿತರು ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಡಿಸಿಎಚ್‌ಸಿಯಲ್ಲಿ 82, ಹೋಮ್ ಐಸೊಲೇಷನ್‌ನಲ್ಲಿ 480, ಟ್ರಯೇಜ್‌ನಲ್ಲಿ 20 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. 52 ಮಂದಿ ಗುಣಮುಖರಾಗಿದ್ದಾರೆ.
