ಶಿವಮೊಗ್ಗ: 164 ಮಂದಿಗೆ ಕೊರೊನಾ; 275 ಮಂದಿ ಗುಣಮುಖ

1397 ಜನರ ಗಂಟಲು ದ್ರವ ಪರೀಕ್ಷೆ ಮಾಡಲಾಗಿದ್ದು, 534ಜನರ ವರದಿ ನೆಗೆಟಿವ್ ಬಂದಿದೆ. ಮನೆಯಲ್ಲಿ 1088 ಸೇರಿ ಒಟ್ಟು 1765 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.ಇದುವರೆಗೆ ಕೋವಿಡ್‌ನಿಂದ ಜೀವ ಕಳೆದುಕೊಂಡವರ ಸಂಖ್ಯೆ 250ಕ್ಕೆ ಏರಿದೆ. ಸೋಂಕಿತರ ಸಂಖ್ಯೆ 14,022ಕ್ಕೆ ತಲುಪಿದೆ.ಶಿವಮೊಗ್ಗ ನಗರದಲ್ಲೇ 88 ಸೋಂಕಿತರು ಪತ್ತೆಯಾಗಿದ್ದಾರೆ. ಭದ್ರಾವತಿಯಲ್ಲಿ 18, ಶಿಕಾರಿಪುರದಲ್ಲಿ 20, ತೀರ್ಥಹಳ್ಳಿಯಲ್ಲಿ9, ಸಾಗರದಲ್ಲಿ 7, ಹೊಸನಗರದಲ್ಲಿ 17 ಹಾಗೂ ಇತರೆ ಜಿಲ್ಲೆಗಳಿಂದ ಚಿಕಿತ್ಸೆಗೆ ಬಂದಿದ್ದ 5 ಜನರಿಗೆ ಸೋಂಕು ಖಚಿತಪಟ್ಟಿದೆ.

7 ಮಂದಿಗೆ ಪಾಸಿಟಿವ್

ಸಾಗರ ವರದಿ: ತಾಲ್ಲೂಕಿನಲ್ಲಿ ಬುಧವಾರ 7 ಮಂದಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ. ಸಿರಿವಂತೆ ಗ್ರಾಮದ 48 ಹಾಗೂ 22 ವರ್ಷದ ಪುರುಷ, ಕುಡಿಗೆರೆ ಗ್ರಾಮದ 38 ವರ್ಷದ ಪುರುಷ, ನೇದರವಳ್ಳಿಯ 45 ವರ್ಷದ ಪುರುಷ, ನಗರವ್ಯಾಪ್ತಿಯ ನೆಹರೂ ನಗರದ 38 ವರ್ಷದ ಮಹಿಳೆ, 58 ವರ್ಷದ ಪುರುಷ ಸೋಂಕಿತರಾಗಿದ್ದಾರೆ.