ಶಿವಮೊಗ್ಗ: ಶೆಟ್ಟಿಹಳ್ಳಿ ಅಭಯಾರಣ್ಯದ ವ್ಯಾಪ್ತಿ ಅರ್ಧದಷ್ಟು ಕಡಿತ

ಮಿತಿ ನಿಗದಿಗೆ ನಮ್ಮ ಆಕ್ಷೇಪಣೆ ಇಲ್ಲ. ಆದರೆ ಸುಪ್ರೀಂ ಕೋರ್ಟ್ ನಿರ್ದೇಶನದ ಅನ್ವಯ ಸಂರಕ್ಷಿತ ಪ್ರದೇಶದ ವ್ಯಾಪ್ತಿ ಕಡಿತಗೊಳಿಸಿದರೆ ಅಷ್ಟೇ ಪ್ರಮಾಣದ ಭೂಮಿಯನ್ನು ಮತ್ತೆ ಅಲ್ಲಿಗೆ ಸೇರಿಸಬೇಕು. ಅದರಂತೆ ಕುಕ್ಕವಾಡ ಉಬ್ರಾಣಿ ಭಾಗದ 279.4 ಚದರ ಕಿ.ಮೀ ವ್ಯಾಪ್ತಿಯ ಮೀಸಲು ಅರಣ್ಯ ಪ್ರದೇಶವನ್ನು ಶೆಟ್ಟಿಹಳ್ಳಿ ಅಭಯಾರಣ್ಯದ ವ್ಯಾಪ್ತಿಗೆ ಸೇರಿಸಲು ಸರ್ಕಾರ ಮುಂದಾಗಲಿ. ಅಖಿಲೇಶ್ ಚಿಪ್ಪಳಿ ಪರಿಸರ ಹೋರಾಟಗಾರ ಸಾಗರ

‘ಶೆಟ್ಟಿಹಳ್ಳಿ ಅಭಯಾರಣ್ಯದ ವ್ಯಾಪ್ತಿಯಲ್ಲಿ ಮಾನವ–ಪ್ರಾಣಿಗಳ ನಡುವಿನ ಸಂಘರ್ಷ ಈಗಾಗಲೇ ಹೆಚ್ಚಾಗಿದೆ. ಆನೆ ಚಿರತೆಗಳು ಜನವಸತಿಯತ್ತ ಲಗ್ಗೆ ಇಡುತ್ತಿವೆ. ಈಗ ಅಭಯಾರಣ್ಯದ ವ್ಯಾಪ್ತಿ ಕಡಿಮೆ ಆದರೆ ಈ ಸಂಘರ್ಷ ತಾರಕಕ್ಕೇರಲಿದೆ’ ಎಂದು ಪರಿಸರಾಸಕ್ತ ಶಿವಮೊಗ್ಗದ ಎನ್‌.ಕೆ.ವಾಸುದೇವ ಆತಂಕ ವ್ಯಕ್ತಪಡಿಸಿದರು. ‘ಪರಿಸರ ಸೂಕ್ಷ್ಮವಲಯ ಎಂಬ ಕಾರಣಕ್ಕೆ ಗಣಿಗಾರಿಕೆ ನಗರೀಕರಣ ಹಾಗೂ ಬೇರೆ ಬೇರೆ ಅಭಿವೃದ್ಧಿ ಕಾರ್ಯಗಳಿಗೆ ಇಲ್ಲಿಯವರೆಗೂ ಒಂದಷ್ಟು ಕಡಿವಾಣ ಇತ್ತು. ಈಗ ಅಭಯಾರಣ್ಯದ ಕೀಲಿ ತೆರೆದಂತಾಗಿದೆ’ ಎಂದು ಆಕ್ರೋಶ ವ್ಯಕ್ತಪಡಿಸಿದರು.