ಕ್ಯಾಸಡವಿ ಪದ್ಧತಿಯ ದಟ್ಟಡವಿ ಸೃಷ್ಟಿಗೆ ಚಾಲನೆ- 40 ಕಾಡು ಪ್ರಭೇದದ 300 ಸಸಿ ನಾಟಿ

ಸಾಗರ: ತಾಲ್ಲೂಕಿನ ಕೆಳದಿ ಗ್ರಾಮದ ಸಮೀಪ ಶ್ರೀಧರ್ ಭಟ್ ಅವರ ಖಾಸಗಿ ಭೂಮಿಯಲ್ಲಿ ಸ್ವಾನ್ ಆ್ಯಂಡ್ ಮ್ಯಾನ್ ಸಂಸ್ಥೆಯ ವತಿಯಿಂದ ಕ್ಯಾಸಡವಿ ಪದ್ಧತಿಯಲ್ಲಿ ದಟ್ಟಡವಿಯ ಸೃಷ್ಟಿಗೆ ಮಂಗಳವಾರ ಚಾಲನೆ ನೀಡಲಾಯಿತು.

. ಈ ಸಂದರ್ಭದಲ್ಲಿ ಮಾತನಾಡಿದ ಸ್ವಾನ್ ಆ್ಯಂಡ್ ಮ್ಯಾನ್ ಸಂಸ್ಥೆಯ ಅಖಿಲೇಶ್ ಚಿಪ್ಳಿ, ‘ಕ್ಯಾಸಾಳ ಅಥವಾ ಕೆಂದಳಿಲು ಎಂಬ ಅಳಿಲು ಕುಟುಂಬದ ವನ್ಯಪ್ರಾಣಿಯ ಬೀಜ ಪ್ರಸರಣದ ಮೂಲಕ ಅರಣ್ಯ ವೃದ್ಧಿಸುವ ಬದುಕಿನ ಗತಿಯಿಂದ ಕ್ಯಾಸಡವಿ ಅರಣ್ಯ ನಿರ್ಮಾಣ ಪದ್ಧತಿ ಪ್ರೇರಣೆಗೊಂಡಿದೆ’ ಎಂದು ತಿಳಿಸಿದರು.

. ‘ಈ ಪದ್ಧತಿಯು ಅತ್ಯಂತ ಕಡಿಮೆ ನಿರ್ವಹಣೆಯನ್ನು ಬಯಸುತ್ತದೆ. ಸ್ಥಳೀಯ ಕಾಡು ಜಾತಿಯ ಸಸ್ಯಗಳನ್ನು ಆಯ್ಕೆ ಮಾಡಿಕೊಂಡು ಕಡಿಮೆ ಅಂತರದಲ್ಲಿ ಸಸಿಗಳನ್ನು ನೆಡುವುದು ಈ ಪದ್ಧತಿಯ ಜೀವಾಳವಾಗಿದೆ. ಹಲವು ಸಂಖ್ಯೆಗಳಲ್ಲಿ ನೆಟ್ಟ ಕಾಡು ಸಸ್ಯಗಳಲ್ಲಿ ಕೆಲವು ಸಮರ್ಥವಾದ ಸಸ್ಯಗಳು ಮಾತ್ರ ನೈಸರ್ಗಿಕ ಆಯ್ಕೆಯ ಮೂಲಕ ಉಳಿದುಕೊಂಡು ದಟ್ಟವಾದ ಹಸಿರು ಹೊದಿಕೆಯನ್ನು ನಿರ್ಮಿಸುತ್ತವೆ’ ಎಂದು ಹೇಳಿದರು.

. ಈ ಪದ್ಧತಿಯಿಂದ ಶೀಘ್ರ ಅರಣ್ಯ ವೃದ್ಧಿ, ಭೂ ಸವಕಳಿ ತಡೆ, ತೇವಾಂಶ ಉಳಿವಿಕೆ, ವನ್ಯ ಜೀವಿಗಳಿಗೆ ನೆಲೆ ಒದಗಿಸುವುದು ಸೇರಿ ಹಲವು ಪರಿಸರಸ್ನೇಹಿ ಉಪಯೋಗಗಳಿವೆ ಎಂದು ಅವರು ಮಾಹಿತಿ ನೀಡಿದರು.

. ಮರವಾಗಬಲ್ಲ 40 ಕಾಡು ಪ್ರಭೇದದ 300 ಸಸಿಗಳನ್ನು ನಾಲ್ಕು ಸಾವಿರ ಚದರ ಅಡಿ ಜಾಗದಲ್ಲಿ ಎರಡು ಅಡಿ ಅಂತರವಿಟ್ಟು ನೈಸರ್ಗಿಕ ಕಾಡಿನ ರೀತಿಯಲ್ಲಿ ಕ್ರಮವಲ್ಲದ ವಿನ್ಯಾಸದಲ್ಲಿ ನೆಡಲಾಯಿತು.

. ಲೋಕಹಿತಂ ಪ್ರತಿಷ್ಠಾನ, ಪಂಚವಟಿ ನಿಸರ್ಗ ಸಂಶೋಧನಾ ಅಕಾಡೆಮಿ, ಹಸಿರುಸಾಗರ, ಅಭಿನಯ ಸಾಗರ ಮತ್ತು ಯೂತ್ ಹಾಸ್ಟೆಲ್ ಅಸೋಸಿಯೇಷನ್ ಕಾರ್ಯಕರ್ತರುಸಸಿ ನೆಡುವ ಕಾರ್ಯದಲ್ಲಿ ಪಾಲ್ಗೊಂಡಿದ್ದರು.

. ಡಾ.ಗಿರೀಶ್ ಜನ್ನೆ, ಸವಿನಯ ಮಾಲ್ವೆ, ಶಂಕರಶರ್ಮ, ವಿನಯ್ ಗದ್ದೇಮನೆ, ಕೌಶಿಕ್ ಕಾನುಗೋಡು, ನಟರಾಜ ಗುಲಗಂಜಿಮನೆ, ಅಭಿಷೇಕ್, ರಾಮಕೃಷ್ಣ ಹೆಗಡೆ ಬೇಳೂರು ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕ್ಯಾಸಡವಿ ಪದ್ಧತಿಯ ದಟ್ಟಡವಿ ಸೃಷ್ಟಿಗೆ ಚಾಲನೆ- 40 ಕಾಡು ಪ್ರಭೇದದ 300 ಸಸಿ ನಾಟಿ

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ

ಮತ್ತೆ ಒಂದಾದ ಅನಂತನಾಗ್-ಲಕ್ಷ್ಮಿ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ದಾಖಲೆ ಉತ್ತಮಪಡಿಸಿಕೊಂಡ ಶ್ರೀಹರಿ

ಫುಟ್‌ಬಾಲ್‌: ಮತ್ತೆ ಗೋವಾ ತಂಡಕ್ಕೆ ಮಾರ್ಕ್ವೆಝ್

ಹಾಕಿ: ಭಾರತ ಎ ತಂಡಕ್ಕೆ ಸೋಲು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ

ಮತ್ತೆ ಒಂದಾದ ಅನಂತನಾಗ್-ಲಕ್ಷ್ಮಿ