ಸೊರಬ: ತಾಲ್ಲೂಕಿನ ಕೊಡಕಣಿ ಗ್ರಾಮದ ಕರಿಯಪ್ಪ ಹೊಸಮನೆ ಅವರು ತಮ್ಮ ಜಮೀನಿನಲ್ಲಿ ಬೆಳೆದಿರುವ ಸುಮಾರು 8 ಕೆ.ಜಿ. ತೂಕದ ಗೆಣಸಿನ ಗಡ್ಡೆ ಗ್ರಾಮಸ್ಥರನ್ನು ಆಕರ್ಷಿಸುತ್ತಿದೆ. ಗುರುವಾರ ಗೆಣಸಿನ ಗಡ್ಡೆಯನ್ನು ಕೀಳುವಾಗ ಈ ಅಪರೂಪದ ಗೆಣಸು ಸಿಕ್ಕಿದ್ದು, ಗ್ರಾಮಸ್ಥರು ಕುತೂಹಲದಿಂದ ನೋಡಲು ಬರುತ್ತಿದ್ದಾರೆ.
ಕರಿಯಪ್ಪ ಹೊಸಮನೆ ಅವರು ತಮ್ಮ ಜಮೀನಿನಲ್ಲಿ ವಿವಿಧ ರೀತಿಯ ತರಕಾರಿಗಳನ್ನು ಬೆಳೆಯುತ್ತಾರೆ. ತರಕಾರಿ ಮಧ್ಯದಲ್ಲಿ ಮಿಶ್ರ ಬೆಳೆಯಾಗಿ ಗೆಣಸಿನ ಬಳ್ಳಿ ನಾಟಿ ಮಾಡಿದ್ದು, ಒಂದೊಂದು ಗಡ್ಡೆ ಸುಮಾರು 3 ಕೆ.ಜಿ.ವರೆಗೂ ತೂಕ ಹೊಂದಿವೆ. ಆದರೆ ಈ ವರ್ಷ ಮೊದಲ ಬಾರಿಗೆ 8 ಕೆ.ಜಿ. ತೂಕದ ಗೆಣಸು ಬೆಳೆದಿರುವುದು ಆಶ್ಚರ್ಯ ತಂದಿದೆ ಎಂದು ಕರಿಯಪ್ಪ ಹರ್ಷ ವ್ಯಕ್ತಪಡಿಸಿದರು.
