ಬೀನ್ಸ್, ಗೆಡ್ಡೆಕೋಸು, ಸೌತೆ ದುಬಾರಿ

ತುಮಕೂರು: ತರಕಾರಿ ಬೆಲೆ ಬಹುತೇಕ ಸ್ಥಿರವಾಗಿದ್ದು, ಬೀನ್ಸ್, ಗೆಡ್ಡೆಕೋಸು, ಹೂಕೋಸು, ಸೌತೆಕಾಯಿ ದುಬಾರಿಯಾಗಿದ್ದರೆ, ಹಸಿರು ಮೆಣಸಿನಕಾಯಿ ಕೇಳುವವರೇ ಇಲ್ಲವಾಗಿದ್ದಾರೆ. ಸದಾ ದುಬಾರಿಯಾಗಿರುತ್ತಿದ್ದ ಹಾಗಲಕಾಯಿ ಬೆಲೆ ಇಳಿಕೆಯಾಗಿದೆ. ಒಣ ಹಣ್ಣುಗಳ ಬೆಲೆ ಯಥಾಸ್ಥಿತಿ ಮುಂದುವರಿದಿದೆ.

. ಬೀನ್ಸ್ ಕೆ.ಜಿ ₹50ಕ್ಕೆ, ಗೆಡ್ಡೆಕೋಸು ಕೆ.ಜಿ ₹40, ಹೂ ಕೋಸು ಒಂದಕ್ಕೆ ₹40, ಸೌತೆಕಾಯಿ ಒಂದಕ್ಕೆ ₹10–15ಕ್ಕೆ ಏರಿಕೆಯಾಗಿದ್ದರೆ, ಹಾಗಲಕಾಯಿ ಕೆ.ಜಿ ₹10–₹15, ಹಸಿರು ಮೆಣಸಿನಕಾಯಿ ₹10–₹15ಕ್ಕೆ ಇಳಿಕೆಯಾಗಿದೆ. ಉಳಿದಂತೆ ಅಂತರಸನಹಳ್ಳಿ ಮಾರುಕಟ್ಟೆಯಲ್ಲಿ ತರಕಾರಿಗಳ ಬೆಲೆಯಲ್ಲಿ ಹೆಚ್ಚಿನ ವ್ಯತ್ಯಾಸವಾಗಿಲ್ಲ.

. ಸೊಪ್ಪಿನ ಬೆಲೆಗಳು ತೀವ್ರವಾಗಿ ಇಳಿಕೆ ಕಂಡಿದ್ದು, ಕೊತ್ತಂಬರಿ ಸೊಪ್ಪು ಕೆ.ಜಿ ₹70–80ರಿಂದ ₹20ಕ್ಕೆ ತಗ್ಗಿದೆ. ಮೆಂತ್ಯ ಸೊಪ್ಪು ಕೆ.ಜಿ ₹20, ಸಬ್ಬಕ್ಕಿ ಕೆ.ಜಿ ₹20ಕ್ಕೆ ಕಡಿಮೆಯಾಗಿದೆ. ಆದರೆ ಪಾಲಕ್ ಸೊಪ್ಪಿನ ಬೆಲೆ ದುಬಾರಿಯಾಗಿದ್ದು, ಕೆ.ಜಿ ₹40ಕ್ಕೆ ಹೆಚ್ಚಳವಾಗಿದೆ.

. ಗೌರಿ, ಗಣೇಶ ಹಬ್ಬ ಮುಗಿಯುತ್ತಿದ್ದಂತೆ ಮುಂದಿನ ಒಂದು ತಿಂಗಳು ಯಾವುದೇ ಹಬ್ಬ, ಇತರ ಪ್ರಮುಖ ಕಾರ್ಯಕ್ರಮಗಳು ಇಲ್ಲ. ಹಾಗಾಗಿ ಧಾನ್ಯಗಳ ಬೆಲೆಯಲ್ಲಿ ಸ್ಥಿರತೆ ಮುಂದುವರಿದಿದೆ. ಉದ್ದಿನ ಬೇಳೆ, ಬಟಾಣಿ, ಸಕ್ಕರೆ ಧಾರಣೆ ಅಲ್ಪ ಏರಿಕೆಯಾಗಿದ್ದರೆ, ಹೆಸರು ಕಾಳು, ಕಡಲೆ ಕಾಳು ಬೆಲೆ ಕೊಂಚ ಕುಸಿದಿದೆ.

. ಬಾದಾಮಿ ಕೆ.ಜಿ ₹900, ಗೋಡಂಬಿ ಕೆ.ಜಿ ₹700 ಬೆಲೆ ಇದ್ದರೆ, ಸಾಸಿವೆ ಕೆ.ಜಿ ₹100ಕ್ಕೆ ಜಿಗಿದಿದೆ. ಜೀರಿಗೆ ಕೆ.ಜಿ ₹170–200ಕ್ಕೆ ಹೆಚ್ಚಳವಾಗಿದೆ. ಗಸಗಸೆ (ಗುಣಮಟ್ಟದ್ದು) ಕೆ.ಜಿ ₹1,800ಕ್ಕೆ (ಕಳಪೆ ಮಾಲು ಕೆ.ಜಿ ₹1,200ಕ್ಕೆ ಸಿಗುತ್ತಿದೆ) ಮಂಡಿಪೇಟೆಯಲ್ಲಿ ಮಾರಾಟವಾಗುತ್ತಿದೆ.

. ಇಳಿಯದ ಹಣ್ಣು: ಹಬ್ಬದ ಸಮಯಕ್ಕೆ ಹಣ್ಣುಗಳ ಬೆಲೆ ಏರಿಕೆಯಾಗಿದ್ದು, ಈಗ ಅದೇ ಸ್ಥಿತಿ ಮುಂದುವರಿದಿದೆ. ಸೇಬು, ದಾಳಿಂಬೆ, ಕಿತ್ತಳೆ, ಏಲಕ್ಕಿ ಬಾಳೆ, ಪೈನಾಪಲ್ ಹಣ್ಣಿನ ಬೆಲೆ ಸ್ವಲ್ಪ ಏರಿಕೆ ಕಂಡಿದೆ.

. ಕೋಳಿ ದುಬಾರಿ: ಶ್ರಾವಣ ಮಾಸದಲ್ಲಿ ದುಬಾರಿಯಾಗಿದ್ದ ಕೋಳಿ ಬೆಲೆ, ಶ್ರಾವಣ ಮುಗಿದ ನಂತರ ಮತ್ತಷ್ಟು ದುಬಾರಿಯಾಗಿದೆ. ಬ್ರಾಯ್ಲರ್ ಕೋಳಿ ಕೆ.ಜಿ ₹175ಕ್ಕೆ, ರೆಡಿ ಚಿಕನ್ ₹250ಕ್ಕೆ, ಮೊಟ್ಟೆ ಕೋಳಿ ಕೆ.ಜಿ ₹130ಕ್ಕೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೀನ್ಸ್, ಗೆಡ್ಡೆಕೋಸು, ಸೌತೆ ದುಬಾರಿ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ