ಚೇಳೂರು: ಹೋಬಳಿಯ ಚೇಳೂರುಹಟ್ಟಿ ಗ್ರಾಮದ ಕರಿಯಪ್ಪ ಎಂಬುವರಿಗೆ ಸೇರಿದ ಸೀಮೆಹಸು ಭಾನುವಾರ ರಾತ್ರಿ ತನ್ನ ಆರನೇ ಹೆರಿಗೆಯಲ್ಲಿ ನಾಲ್ಕು ಕರುಗಳಿಗೆ ಜನ್ಮ ನೀಡಿದೆ.
ಒಟ್ಟು ನಾಲ್ಕು ಕರುಗಳಲ್ಲಿ ಒಂದು ಹೆಣ್ಣು, ಮೂರು ಗಂಡುಕರು ಜನಿಸಿದ್ದು, ಅದರಲ್ಲಿ ಒಂದು ಗಂಡು ಕರು ಸಾವುನ್ನುಪ್ಪಿದೆ. ಹಿಂದಿನ ವರ್ಷ ಪಶು ವೈದ್ಯಾಧಿಕಾರಿ ಶಂಕರಪ್ಪ ಅವರು ಈ ಸೀಮೆ ಹಸುವಿಗೆ ಕೃತಕ ಗರ್ಭಧಾರಣೆ ಮಾಡಿದ್ದರು. ಇಂತಹ ಘಟನೆಗಳು ಅಪರೂಪಕ್ಕೆ ಜರುಗುತ್ತವೆ ಎಂದು ವೈದ್ಯಾಧಿಕಾರಿ ತಿಳಿಸಿದರು.
