ಸೌತೆಕಾಯಿ ಅಗ್ಗ; ಈರುಳ್ಳಿ ದುಬಾರಿ

ಧಾನ್ಯಗಳ ಬೆಲೆಯಲ್ಲೂ ಹೆಚ್ಚಿನ ವ್ಯತ್ಯಾಸವಾಗಿಲ್ಲ. ಏರಿಕೆ ಕಂಡಿದ್ದ ಅಡುಗೆ ಎಣ್ಣೆ ಬೆಲೆ ಲೀಟರ್‌ಗೆ ₹10 ಕಡಿಮೆಯಾಗಿದೆ. ಮೀನಿನ ಬೆಲೆ ಸಾಕಷ್ಟು ತಗ್ಗಿದೆ.

ಸೌತೆಕಾಯಿ ಬೆಲೆ ತೀವ್ರವಾಗಿ ಕುಸಿದಿದೆ. ಸಿಮೆಂಟ್ ಚೀಲದ (ಸುಮಾರು 75 ಕೆ.ಜಿ) ಬೆಲೆ ₹400ರಿಂದ ₹500ಕ್ಕೆ ಮಾರಾಟವಾಗುತ್ತಿದ್ದು, ಈಗ ₹150ರಿಂದ ₹200ಕ್ಕೆ ಇಳಿದಿದೆ. ಬೀನ್ಸ್ ಬೆಲೆ ಮತ್ತೆ ಅಲ್ಪ ಪ್ರಮಾಣದಲ್ಲಿ ಹೆಚ್ಚಳವಾಗಿದೆ. ಕಳೆದ ವಾರ ಕೆ.ಜಿ ₹150ಕ್ಕೆ ಮಾರಾಟವಾಗಿದ್ದರೆ, ಪ್ರಸ್ತುತ ₹160ರಿಂದ 180ರ ವರೆಗೂ ಏರಿಕೆಯಾಗಿದೆ. ಟೊಮೆಟೊ ಮತ್ತೆ ದುಬಾರಿಯಾಗಿದ್ದು, ಕೆ.ಜಿ.ಗೆ ₹10 ಹೆಚ್ಚಳವಾಗಿದೆ. ಈಗ ₹25ರಿಂದ 30ರ ವರೆಗೆ ಮಾರಾಟವಾಗುತ್ತಿದೆ. ಈರುಳ್ಳಿ ಬೆಲೆ ₹30ರಿಂದ ₹40ಕ್ಕೆ ಏರಿಕೆ ಕಂಡಿದೆ. ಕ್ಯಾರೇಟ್ ಬೆಲೆ ಕೊಂಚ ತಗ್ಗಿದ್ದು, ಮೂಲಂಗಿ, ಬದನೆಕಾಯಿ ಬೆಲೆಯಲ್ಲಿ ತೀವ್ರ ಕುಸಿತವಾಗಿದೆ.

ಧಾನ್ಯಗಳ ಬೆಲೆಯಲ್ಲಿ ಹೆಚ್ಚಿನ ವ್ಯತ್ಯಾಸ ಕಂಡುಬಂದಿಲ್ಲ. ಕಡಲೆಕಾಳು ಬೆಲೆಯಲ್ಲಿ ಹೆಚ್ಚಳವಾಗಿದ್ದು, ಉರಿಗಡಲೆ ಬೆಲೆ ಕೆ.ಜಿ.ಗೆ ₹20 ಏರಿಕೆಯಾಗಿದೆ. ಬಟಾಣಿ ಕೆ.ಜಿ ₹10 ದುಬಾರಿಯಾಗಿದೆ.

ಹಣ್ಣಿನ ಬೆಲೆಯಲ್ಲಿ ಹೆಚ್ಚಿನ ವ್ಯತ್ಯಾಸವಾಗಿಲ್ಲ. ಕಳೆದ ವಾರದ ದರವೇ ಮುಂದುವರಿದಿದೆ. ಮೊಟ್ಟೆಕೋಳಿ ಧಾರಣೆಯು ಕೆ.ಜಿ.ಗೆ ₹110ರಿಂದ 170ರಲ್ಲೇ ಇದೆ. ಬ್ರಾಯ್ಲರ್ ಕೋಳಿ ಕೆ.ಜಿ ₹200ರಿಂದ 220ಕ್ಕೆ ಮಾರಾಟವಾಗುತ್ತಿದೆ. ಮೊಟ್ಟೆಯನ್ನು 1ಕ್ಕೆ ₹ 6ರಂತೆ ಮಾರಲಾಗುತ್ತಿದೆ.

ಮೀನು ಅಗ್ಗ: ಮೀನು ಸ್ವಲ್ಪ ಮಟ್ಟಿಗೆ ಅಗ್ಗವಾಗಿದೆ. ನಗರದ ಮತ್ಸ ದರ್ಶಿನಿಯಲ್ಲಿ ಎಲ್ಲಾ ವಿಧದ ಮೀನಿನ ಬೆಲೆಯಲ್ಲಿ ಇಳಿಕೆಯಾಗಿದೆ. ಬಂಗುಡೆ ಕೆ.ಜಿ ₹20 ಕಡಿಮೆಯಾಗಿದ್ದು, ₹230ಕ್ಕೆ ಇಳಿದಿದೆ. ಬೂತಾಯಿ ₹40
ಕುಸಿದು ₹200ಕ್ಕೆ, ಅಂಜಲ್ ಕೆ.ಜಿ.ಗೆ ₹90 ಕುಸಿದು ₹540ಕ್ಕೆ, ಬೊಳಿಂಜಿರ್ ₹110ರಷ್ಟು ಇಳಿದು ₹250ಕ್ಕೆ,
ಬಿಳಿ ಮಾಂಜಿ ಕೆ.ಜಿ ₹160 ಕಡಿಮೆಯಾಗಿದ್ದು, ₹520ಕ್ಕೆ ಮಾರಾಟವಾಗುತ್ತಿದೆ.