ತುಮಕೂರು | 20ರಿಂದ ದಸರಾ ಕ್ರೀಡಾಕೂಟ; ವಿವಿಧ ಸ್ಪರ್ಧೆಗಳ ಆಯೋಜನೆ

ನಿಗದಿತ ದಿನಗಳಂದು ಆಯಾ ತಾಲ್ಲೂಕು ಕ್ರೀಡಾಂಗಣದಲ್ಲಿ ಕ್ರೀಡಾಕೂಟ ನಡೆಯಲಿದೆ. ತುಮಕೂರು ತಾಲ್ಲೂಕಿನ ಕ್ರೀಡಾಕೂಟವನ್ನು ಜಿಲ್ಲಾ ಕ್ರೀಡಾಂಗಣದಲ್ಲಿ ಆಯೋಜಿಸಿದೆ.

ಕೊರಟಗೆರೆ, ಪಾವಗಡದಲ್ಲಿ ಸೆ.20 ರಂದು, ಮಧುಗಿರಿ, ಶಿರಾದಲ್ಲಿ ಸೆ.21, ತಿಪಟೂರಿನಲ್ಲಿ ಸೆ.22, ತುಮಕೂರಿನಲ್ಲಿ ಸೆ.23, ಕುಣಿಗಲ್‌, ಚಿಕ್ಕನಾಯಕನಹಳ್ಳಿಯಲ್ಲಿ ಸೆ.25, ತುರುವೇಕೆರೆ ಮತ್ತು ಗುಬ್ಬಿಯಲ್ಲಿ ಸೆ.26ರಂದು ಕ್ರೀಡಾಕೂಟ ನಡೆಯಲಿದೆ. ಕ್ರೀಡಾಕೂಟದ ಒಂದು ದಿನ ಮುಂಚಿತವಾಗಿ ನೋಂದಣಿ ಮಾಡಿಕೊಳ್ಳಬೇಕು. ಕ್ರೀಡಾಪಟುಗಳು ನಿಗದಿ ಪಡಿಸಿದ ದಿನದಂದು ಬೆಳಿಗ್ಗೆ 9 ಗಂಟೆಗೆ ಕ್ರೀಡಾಂಗಣದಲ್ಲಿ ಹಾಜರಿರಬೇಕು.