ಕುಣಿಗಲ್: ಕ್ರೀಡೆಯಲ್ಲಿ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ವಿದ್ಯಾರ್ಥಿಗಳ ಸಾಧನೆ

ಪ್ರಸಕ್ತ ವರ್ಷ ಸಿದ್ಧಗಂಗಾ ಮಠದಲ್ಲಿ ನಡೆದ ಮಹಿಳೆಯರ ಗುಡ್ಡಗಾಡು ಓಟದಲ್ಲಿ ಪ್ರಥಮ ಸ್ಥಾನ, ತುರುವೇಕೆರೆಯಲ್ಲಿ ನಡೆದ ಮಹಿಳೆಯರ ಕಬಡ್ಡಿ ಪಂದ್ಯದಲ್ಲಿ ಪ್ರಥಮ ಸ್ಥಾನ, ತುಮಕೂರಿನಲ್ಲಿ ನಡೆದ ಮಹಿಳೆಯರ ವಾಲಿಬಾಲ್ ಸ್ಪರ್ಧೆಯಲ್ಲಿ ಪ್ರಥಮ, ತಿಪಟೂರಿನಲ್ಲಿ ನಡೆದ ಮಹಿಳಾ ಅಥ್ಲೆಟಿಕ್‌ನಲ್ಲಿ ಪ್ರಥಮ, ಕುಣಿಗಲ್‌ನಲ್ಲಿ ನಡೆದ ಮಹಿಳಾ ಕೊಕ್ಕೊ ಪಂದ್ಯದಲ್ಲಿ ಪ್ರಥಮ ಸ್ಥಾನ ಪಡೆದಿದೆ.

2004ರಿಂದಲೂ ತುಮಕೂರು ವಿವಿಯ ಕ್ರೀಡಾ ಚಟುಚಟಿಕೆಯಲ್ಲಿ ಯಾವ ಕಾಲೇಜು ಮಾಡದ ಸಾಧನೆಯನ್ನು ಕುಣಿಗಲ್ ಕಾಲೇಜು ವಿದ್ಯಾರ್ಥಿಗಳು ಮಾಡಿದ್ದಾರೆ. ಪುರುಷರ ಗುಡ್ಡಗಾಡು ಓಟದ ಸ್ಪರ್ಧೆಯಲ್ಲಿ ಸತತವಾಗಿ 7ನೇ ಬಾರಿ ಚಾಂಪಿಯನ್ ಶಿಪ್‌ ಪಡೆದಿದ್ದಾರೆ ಎಂದು ಕಾಲೇಜು ದೈಹಿಕ ಶಿಕ್ಷಣ ನಿರ್ದೇಶಕ ರವೀಶ್ ತಿಳಿಸಿದ್ದಾರೆ.