ಗುಬ್ಬಿ | ಕೆಂಪು ಮಣ್ಣಿಗೆ ಕುದುರಿದ ಬೇಡಿಕೆ; ಮಧ್ಯವರ್ತಿಗಳ ಮೊರೆಹೋದ ರೈತರು

ಈ ಹಿಂದೆ ಬೀಳು ಜಮೀನುಗಳಲ್ಲಿ ಹಾಗೂ ಕೆರೆಗಳಲ್ಲಿ ಸಿಗುವ ಮಣ್ಣನ್ನೇ ತೋಟಗಳಿಗೆ ಹಾಕುತ್ತಿದ್ದೆವು. ಈಗ ಇಳುವರಿ ಹೆಚ್ಚಿಸಿಕೊಳ್ಳಲು ದುಬಾರಿ ಬೆಲೆಯಾದರೂ ಕೆಂಪು ಮಣ್ಣನ್ನು ಸುರಿಸುತ್ತಿದ್ದೇವೆ.

ಪ್ರತಿ ವರ್ಷ ಅಡಿಕೆ ತೋಟಕ್ಕೆ ಕೆಂಪು ಮಣ್ಣು ಮತ್ತು ಗೊಬ್ಬರವನ್ನು ಹಾಕಬೇಕಿದೆ. ಇಲ್ಲವಾದಲ್ಲಿ ಇಳುವರಿ ಕಡಿಮೆಯಾಗುವುದು. ದೂರದ ಊರುಗಳಿಂದಲೂ ಒಂದು ಲಾರಿ ಲೋಡ್‌ಗೆ ₹6 ರಿಂದ ₹8 ಸಾವಿರದವರೆಗೆ ನೀಡಿ ಕೆಂಪುಮಣ್ಣು ಸುರಿಸುತ್ತಿದ್ದೇವೆ.

ಅಡಿಕೆ ತೆಂಗಿನ ತೋಟಕ್ಕೆ ಲೋಡ್‌ಗಟ್ಟಲೆ ಮಣ್ಣನ್ನು ಸುರಿಸುತ್ತಿರುವುದರಿಂದ ಸ್ಥಳೀಯವಾಗಿಯೇ ನಮಗೆ ಕೆಲಸ ದೊರಕುತ್ತಿದೆ. ಕೆಲವೊಮ್ಮೆ ಗುಡ್ಡೆ ಲೆಕ್ಕದಲ್ಲಿ ಮಣ್ಣನ್ನು ಚೆಲ್ಲುತ್ತೇವೆ. ಕೆಲವು ಬಾರಿ ದಿನ ಕೂಲಿ ಲೆಕ್ಕದಲ್ಲಿ ಮಣ್ಣನ್ನು ಚೆಲ್ಲುತ್ತೇವೆ.

ಕೆಂಪುಮಣ್ಣಿಗೆ ಬೇಡಿಕೆ ಇರುವುದರಿಂದ ರೈತರು ಕಡಿಮೆ ಹಣಕ್ಕೆ ಕೆಂಪುಮಣ್ಣನ್ನು ಮಧ್ಯವರ್ತಿಗಳಿಗೆ ಮಾರಿಕೊಳ್ಳಬಾರದು. ಕೆಂಪು ಮಣ್ಣನ್ನು ಕಾಪಾಡಿಕೊಂಡಲ್ಲಿ ಮುಂದಿನ ದಿನಗಳಲ್ಲಿ ಉಪಯೋಗಕ್ಕೆ ಬರುವುದು.