ತುಮಕೂರು: ಶಿರಾ ಉಪಚುನಾವಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಟಿ.ಬಿ. ಜಯಚಂದ್ರ ಗೆಲ್ಲುವುದಾದರೆ ಬಲಗಡೆ ಹೂ ಕೊಡು ತಾಯಿ-ಹೀಗೆ ಕೋರಿಕೆ ಸಲ್ಲಿಸಿದ ಕಾಂಗ್ರೆಸ್ ಕಾರ್ಯಕರ್ತರಿಗೆ ಹೊನ್ನಾದೇವಿ ಬಲಗಡೆಯೇ ಹೊ ನೀಡಿರುವ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ.
ನಗರದ ಹೊನ್ನಾದೇವಿ ದೇವಸ್ಥಾನದಲ್ಲಿ ಕಾಂಗ್ರೆಸ್ ಕಾರ್ಯಕರ್ತರು ಈ ಕೋರಿಕೆ ಸಲ್ಲಿಸಿದ್ದರು.
ಮಂಗಳವಾರ (ನ.10) ಮತ ಎಣಿಕೆ ನಡೆಯಲಿದೆ. ಈ ವಿಡಿಯೊವನ್ನು ಕಾಂಗ್ರೆಸ್ ಕಾರ್ಯಕರ್ತರು ಜಾಲತಾಣಗಳಲ್ಲಿ ಹೆಚ್ಚು ಹಂಚಿಕೊಳ್ಳುತ್ತಿದ್ದಾರೆ.
ಮಂಡ್ಯ ಲೋಕಸಭಾ ಕ್ಷೇತ್ರದಲ್ಲಿ ಸುಮಲತಾ ಅವರ ಗೆಲುವಿಗೂ ಸುಮಲತಾ ಅವರ ಬೆಂಬಲಿಗರು ಕೋರಿಕೆ ಸಲ್ಲಿಸಿದ್ದರು. ಆಗಲೂ ದೇವಿಯ ಮೂರ್ತಿಯ ಬಲಗಡೆಯಿಂದ ಹೂ ಕೆಳಕ್ಕೆ ಬಿದ್ದಿತ್ತು.
