ತುಮಕೂರು: ನಗರದ ಜಯನಗರ ಪೂರ್ವ 8ನೇ ಕ್ರಾಸ್‌ನಲ್ಲಿ ಮನೆಯೊಂದರ ಮುಂದೆ ನಿಲ್ಲಿಸಿದ್ದ ‘ಹೊಂಡಾ ಆ್ಯಕ್ಟಿವ್’ ದ್ವಿಚಕ್ರವಾಹನವನ್ನು ಗುರುವಾರ ಮಧ್ಯಾಹ್ನ ಕಳ್ಳತನ ಮಾಡಲಾಗಿದೆ.
ಜಯನಗರ ಪಶ್ಚಿಮ ಬಡಾವಣೆ ನಿವಾಸಿ ಸ್ವರ್ಣ ವಾಹನ ಕಳೆದುಕೊಂಡವರು. ಆ ದಿನ ಬೆಳಿಗ್ಗೆ 11.30ಕ್ಕೆ ಜಯನಗರ ಪೂರ್ವ 8ನೇ ಕ್ರಾಸ್‌ನಲ್ಲಿರುವ ಅವರ ತಾಯಿ ಮನೆಗೆ ತೆರಳಿದ್ದಾಗ ವಾಹನ ಕಳುವಾಗಿದೆ.
‘ತಾಯಿ ಮನೆ ಕೆಲಸ ಕಾರ್ಯ ಮುಗಿಸಿ ರಾತ್ರಿ 9ಕ್ಕೆ ವಾಹನ ತೆಗೆದುಕೊಳ್ಳಲು ಹೋದಾಗ ವಾಹನ ಇರಲಿಲ್ಲ. ಹುಡುಕಾಡಿದರೂ ವಾಹನ ಅವರಿಗೆ ಸಿಕ್ಕಿಲ್ಲ’ ಎಂದು ಪೊಲೀಸರು ತಿಳಿಸಿದ್ದಾರೆ. ಜಯನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
