ನಿಖಿಲ್ ಕಾರಣಕ್ಕೆ ದೇವೇಗೌಡರಿಗೆ ಸೋಲು: ಶಾಸಕ ಕೆ.ಎನ್.ರಾಜಣ್ಣ

ನಿಖಿಲ್ ಕುಮಾರಸ್ವಾಮಿ ಕುಂಚಿಟಿಗರ ಹೆಣ್ಣು ಮಗಳನ್ನು ಎಂಗೇಜ್‌ಮೆಂಟ್ ಮಾಡಿಕೊಂಡಿದ್ದರು. ಆ ಯುವತಿಯನ್ನು ವಿವಾಹ ಮಾಡಿಕೊಳ್ಳಲಿಲ್ಲ. ಇದು ಆ ಸಮುದಾಯದ ಜನರಲ್ಲಿ ಬೇಸರಕ್ಕೆ ಕಾರಣವಾಗಿತ್ತು. ದೇವೇಗೌಡರ ವಿರುದ್ಧ ಮತ ಚಲಾಯಿಸಿದರು. ಇದನ್ನು ನನ್ನ ಬಹಳಷ್ಟು ಸ್ನೇಹಿತರು ನನಗೆ ತಿಳಿಸಿದರು ಎಂದರು.

ರಾಜ್ಯದ ಸಮ್ಮಿಶ್ರ ಸರ್ಕಾರ ದೇವೇಗೌಡರ ಮನೆಗೆ ಸೀಮಿತವಾಗಿದೆ. ಸರ್ಕಾರ ಎಷ್ಟು ಬೇಗ ಬೀಳುತ್ತದೆಯೋ ಅಷ್ಟು ಜನರಿಗೆ ಒಳ್ಳೆಯದು. ಬರೀ ಹಣ ಮಾಡುವುದಕ್ಕೆ ಮಾತ್ರ ಈ ಸರ್ಕಾರ ಇದೆ. ಇಷ್ಟು ಹೊಲಸು ವ್ಯವಸ್ಥೆಯನ್ನು ನಾನು ನೋಡಿರಲೇ ಇಲ್ಲ ಎಂದು ಟೀಕಿಸಿದರು.

ಮುದ್ದಹನುಮೇಗೌಡ ಅವರ ಮೇಲೆ ಜನರಿಗೆ ಸಿಂಪಥಿ ಇದೆ. ನಮ್ಮ ಕ್ಷೇತ್ರದಲ್ಲಿ ಬಿಜೆಪಿಗೆ ಮತಗಟ್ಟೆ ಏಜೆಂಟರೇ ಇಲ್ಲ. ಅಲ್ಲೆಲ್ಲಾ ಲೀಡ್ ಬಂದಿದೆ. ಇದು ಪ್ರಜಾಪ್ರಭುತ್ವದ ಒಳ್ಳೆಯ ಲಕ್ಷಣ ಎಂದು ಹೇಳಿದರು.