ತುಮಕೂರು: ಮಳೆಗೆ ಕರಬೂಜ ಜಲಾವೃತ

ಅರಳೀಕುಂಟೆಯ ಈರಕ್ಕ, ಕೊಡಮಡುಗು ಗ್ರಾಮದ ನಾಗರಾಜು, ನಿಂಗಮ್ಮ ಎಂಬುವರ ತಲಾ 3 ಎಕರೆ ಕರಬೂಜ ಜಲಾವೃತಗೊಂಡಿದೆ.

ಅರಳೀಕುಂಟೆ ಗ್ರಾಮದಲ್ಲಿ ಹಳ್ಳ ಹರಿದು ಕೆರೆಗೆ ನೀರು ಬಂದಿದೆ.

ನಾಗಲಮಡಿಕೆ ಹೋಬಳಿ, ಪಟ್ಟಣ ಸೇರಿದಂತೆ ಕಸಬಾ ಹೋಬಳಿಯಲ್ಲಿಯೂ ಉತ್ತಮ ಮಳೆಯಾಗಿದೆ. ಕಟ್ಟೆ, ಕುಂಟೆಗಳು ನೀರಿನಿಂದ ತುಂಬಿ ಕಂಗೊಳಿಸುತ್ತಿವೆ.

‘ಭರಣಿ ಮಳೆಯಿಂದ ಧರಣಿ ಹಸಿರಾಗುತ್ತದೆ’ ಎಂಬ ನಾಣ್ಣುಡಿಯಂತೆ ರೈತರು ಜಮೀನುಗಳನ್ನು ಹಸನು ಮಡಿಕೊಳ್ಳಲು ಸಿದ್ದತೆ ನಡೆಸಿದ್ದಾರೆ.