ಭಾನುವಾರ, ಆಗಸ್ಟ್ 9, 2020
21 °C

ಗುಬ್ಬಿ: ಚೇಳು ಜೇಡ ಪತ್ತೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಚೇಳು ಜೇಡ

ತುಮಕೂರು: ಗುಬ್ಬಿ ತಾಲ್ಲೂಕಿನ ಚೇಳೂರು ಗ್ರಾಮದ ಸಮೀಪ ಚೇಳು ಜೇಡ ಪತ್ತೆಯಾಗಿದೆ. ಆಯಾ ಪ್ರದೇಶಕ್ಕೆ ಅನುಗುಣವಾಗಿ ಒಂಟಿ ಜೇಡ, ಸೂರ್ಯ ಜೇಡ ಎಂಬ ಹೆಸರಿನಿಂದಲೂ ಇದನ್ನು ಕರೆಯುತ್ತಾರೆ.

ಜೀವವೈವಿಧ್ಯ ತಜ್ಞ ಮಂಜುನಾಥ ಎಸ್.ನಾಯಕ್ ಹಾಗೂ ಪಕ್ಷಿ ಪ್ರೇಮಿ ಸುನಿಲ್ ಕುಮಾರ್ ಮರಳಕುಂಟೆ ಅವರು ಈಚೆಗೆ ಪಕ್ಷಿ ವೀಕ್ಷಣೆ ಮಾಡುತ್ತಿದ್ದ ಸಮಯದಲ್ಲಿ ಗೋಚರಿಸಿದ್ದು, ಅದರ ಛಾಯಾಚಿತ್ರ ಸೆರೆಹಿಡಿದಿದ್ದಾರೆ. ಈ ಚೇಳು ಜೇಡಗಳು ಸಂಪೂರ್ಣ ನಿಶಾಚಾರಿ ಜೀವಿಯಾಗಿದ್ದು, ರಾತ್ರಿ ಸಮಯದಲ್ಲಿ ಚಟುವಟಿಕೆಯಿಂದ ಕೂಡಿರುತ್ತವೆ. ಹಗಲಿನಲ್ಲಿ ಗೋಚರಿಸುವುದು ವಿರಳ.

‘ಈಗ ದಾಖಲಿಸಿರುವ ಪ್ರಭೇದ 4.5 ಸೆ.ಮೀ ಉದ್ದವಿದ್ದು, ನೋಡುಗರಿಗೆ ಸ್ವಲ್ಪ ಭಯ ಹುಟ್ಟಿಸುವಂತೆ ಕಾಣುತ್ತದೆ. ಇದು ವಿಷಕಾರಿಯಲ್ಲ, ಮಾನವರಿಗೂ ಅಪಾಯಕಾರಿಯಲ್ಲ. ದೇಹ ರಚನೆ ಚೇಳಿನ ಮಾದರಿಯಲ್ಲಿದ್ದು, ಜೇಡಗಳಂತೆ 8 ಕಾಲಿನ ಜೋಡಣೆ ಹೊಂದಿದೆ. ಹಾಗಾಗಿ ಚೇಳು ಜೇಡ ಎಂದು ಕರೆಯಲಾಗುತ್ತದೆ’ ಎಂದು ಮಂಜುನಾಥ್ ಅಭಿಪ್ರಾಯಪಡುತ್ತಾರೆ.

ಕೃಷಿಗೆ ಪೀಡಕವಾದ ಕೀಟಗಳನ್ನು ಹೆಚ್ಚಾಗಿ ತಿಂದು ಬದುಕುತ್ತವೆ. ಹಾಗಾಗಿ ರೈತರಿಗೂ ಪರೋಪಕಾರಿ. ಇಲಿಗಳನ್ನೂ ಬೇಟೆಯಾಡಿ ತನ್ನಬಲ್ಲ ಸಾಮರ್ಥ್ಯ ಹೊಂದಿವೆ. ಶತಪದಿ, ಸಹಸ್ರಪದಿ, ಚೇಳುಗಳನ್ನು ಸಹ ತಿನ್ನುತ್ತವೆ ಎನ್ನಿತ್ತಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.