ಕಗ್ಗಲಡು ಬಿಟ್ಟು ಗೌಡಗೆರೆ ಕೆರೆಯತ್ತ...

ಶಿರಾ: ಬಣ್ಣದ ಕೊಕ್ಕರೆಗಳ ಆಗಮನದಿಂದ ಬಹುಬೇಗ ಪಕ್ಷಿಧಾಮ ಎಂದು ಪ್ರಸಿದ್ಧಿಗೆ ಬಂದ ತಾಲ್ಲೂಕಿನ ಕಗ್ಗಲಡು ಗ್ರಾಮ ಕಳೆದ ಎರಡು ವರ್ಷಗಳಿಂದ ಪಕ್ಷಿಗಳು ಬಾರದೆ ಬಣಗುಡುತ್ತಿದೆ. ಅಚ್ಚರಿಯ ಸಂಗತಿಯೆಂದರೆ ಸಮೀಪದ ಗೌಡಗೆರೆಯ ಕರೆಗಳಲ್ಲಿ ಅವೇ ಪಕ್ಷಿಗಳು ಈಚೆಗೆ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿವೆ.

ಸತತ ಬರಕ್ಕೆ ತುತ್ತಾಗಿ ಬೆಂಗಾಡು ಎಂದೇ ಗುರುತಿಸಿಕೊಂಡಿದ್ದ ತಾಲ್ಲೂಕಿನಲ್ಲಿ ಕಳೆದ 10 ವರ್ಷದ ಹಿಂದೆ ಒಂದು ದಿನ ಏಕಾಏಕಿ ಕುಗ್ರಾಮ ಕಗ್ಗಲಡು ಗ್ರಾಮದ ಹುಣಸೆಮರೆಗಳೆಲ್ಲಾ ವಿದೇಶಿ ಬಣ್ಣದ ಹಕ್ಕಿಗಳಿಂದ ತುಂಬಿ ಹೋಗಿ ಅವುಗಳ ಗೂಡು ಕಟ್ಟುವ ಕಲರವ ಕೇಳಿ ಸುತ್ತಲಿನ ಜನರೆಲ್ಲಾ ವಿಸ್ಮಯಗೊಂಡಿದ್ದರು.

ಆಗ ಎಂದೂ ನೋಡಿರದ ಬಣ್ಣದ ಹಕ್ಕಿಗಳ ದಂಡು ನೋಡಿದ ಸ್ಥಳೀಯ ಜನ ಇವೇನು ಕೇಡಿಗೆ ಬಂದಿವೆಯೋ? ಅಥವಾ ಒಳಿತಿಗೆ ಬಂದಿವೆಯೋ? ಎಂದು ಪಂಚಾಗದ ಮೊರೆ ಹೋಗಿದ್ದರು. ಆ ವೇಳೆಗೆ ನಾಡಿನ ವಿವಿಧೆಡೆಯಿಂದ ಆಗಮಿಸಿದ ಪಕ್ಷಿ ಪ್ರಿಯರು ಆ ಬಣ್ಣದ ಕೊಕ್ಕರೆಗಳ ಜಾತಿ ಇತರೆ ಚಹರೆ ಗುರುತಿಸಿ ಇಂಗ್ಲಿಷ್ನಲ್ಲಿ ಅದೆಂಥದ್ದೋ ಹೆಸರುಗಳನ್ನು ಹೇಳಿ ಹೋದರು. ಇದೊಂದು ಪಕ್ಷಿಧಾಮ ಎಂದರು.

ಅರಣ್ಯ ಇಲಾಖೆಯು ಸಿಬ್ಬಂದಿ ನಿಯೋಜಿಸಿ ಪಕ್ಷಿಗಳ ಯೋಗಕ್ಷೇಮ ವಹಿಸಿಕೊಂಡಿತು. ಸುದ್ದಿ ಹರಡಿದ ನಂತರ ನಾಡಿನ ವಿವಿಧೆಡೆಯಿಂದ ಜನರು ಕಗ್ಗಲಡು ಗ್ರಾಮಕ್ಕೆ ಭೇಟಿ ನೀಡಿ ಪಕ್ಷಿಗಳನ್ನು ಕಣ್ತುಂಬಿಕೊಂಡರು. ಕುಗ್ರಾಮ ಕಗ್ಗಲಡು ಹಠಾತ್ತನೆ ಪಕ್ಷಿಧಾಮವಾಗಿದ್ದಕ್ಕೆ ಸ್ಥಳೀಯರು ಪರಮ ಸಂತೋಷಪಟ್ಟಿದ್ದರು.

1999ರಿಂದ 2009ರವರೆಗೆ ಪ್ರತಿವರ್ಷ ಆಗಮಿಸುತ್ತಿದ್ದ ಪಕ್ಷಿಗಳ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಏರುತ್ತಲೇ ಹೋಗಿತ್ತು. ಗ್ರಾಮದ ನಡು ರಸ್ತೆ ಬದಿಯ ಹುಣಸೆಮರಗಳಲ್ಲೇ ಮುಳ್ಳು ಕಡ್ಡಿಗಳಿಂದ ಗೂಡು ಕಟ್ಟಿ ಮೊಟ್ಟೆ ಇಟ್ಟು ಮರಿ ಮಾಡಿ ಸಂತಾನೋತ್ಪತ್ತಿಯ ನಂತರ ತಮ್ಮ ಮೂಲ ನೆಲೆಗೆ ತೆರಳುತ್ತಿದ್ದ ಹಕ್ಕಿಗಳ ಲೋಕವೊಂದು ಇಡೀ ತಾಲ್ಲೂಕಿಗೆ ಮೆರಗು ತಂದಿತ್ತು.

ಆದರೆ ಕಳೆದ ಎರಡು ವರ್ಷಗಳಿಂದ ಕಾಡಿದ ಬರದ ಛಾಯೆಯೋ ಅಥವಾ ಪಕ್ಷಿಗಳ ಲೋಕದ ಮತ್ತೇನು ವಿಘ್ನವೋ ಒಂದೇ ಒಂದು ಬಣ್ಣದ ಕೊಕ್ಕರೆ ಬಾರದೆ ಪಕ್ಷಿಧಾಮ ಬರಡಾಯಿತು.

ತಮ್ಮದೇ ನೂರೊಂದು ತರಲೆ ತಾಪತ್ರಾಯಗಳಲ್ಲಿ ಮುಳುಗಿದ್ದ ಜನರು ಆ ಬಗ್ಗೆ ತಲೆಕೆಡಿಸಿಕೊಳ್ಳಲಿಲ್ಲ. ಪಕ್ಷಿತಜ್ಞರು ಕೂಡ ಈಗೇಕೆ ಬಣ್ಣದ ಕೊಕ್ಕರೆಗಳು ಬರುತ್ತಿಲ್ಲ ಎಂದು ವಿವರಿಸಿ ಹೇಳಲಿಲ್ಲ.

ಆಶ್ಚರ್ಯವೆಂದರೆ ಕಗ್ಗಲಡು ಗ್ರಾಮಕ್ಕೆ ಐದಾರು ಕಿ.ಮೀ ದೂರವಿರುವ ಅದೇ ಚಂಗಾವರ ರಸ್ತೆಯ ಗೌಡಗೆರೆ ಕೆರೆಯಲ್ಲಿ ಈಚೆಗೆ ಬಣ್ಣದ ಕೊಕ್ಕರೆಗಳು ವಿರಳವಾಗಿ ಕಾಣಿಸಿಕೊಳ್ಳುತ್ತಿವೆ. ಮೀನಿನ ಶಿಕಾರಿ ಶುರುಮಾಡಿವೆ. ಇಲ್ಲಿಗೆ ಬರುತ್ತಿರುವ ಈ ವಿಭಿನ್ನ ಕೊಕ್ಕರೆಗಳು ಕಗ್ಗಲಡುವಿರಲಿ ಸಮೀಪದ ಬೇರೆಲ್ಲೂ ಗೂಡು ಕಟ್ಟಿದಂತೆ ಕಾಣುತ್ತಿಲ್ಲ. ಆದರೆ ಪ್ರತಿದಿನ ಬರುತ್ತಿವೆ.

ಹೀಗಾಗಿ ಇವು ಎಲ್ಲಿ ಗೂಡು ಕಟ್ಟಿವೆ? ಅದೆಷ್ಟು ದೂರದಿಂದ ಇಲ್ಲಿಗೆ ಬರುತ್ತಿವೆ ಎಂಬ ಸಹಜ ಪ್ರಶ್ನೆಗಳು ಹವ್ಯಾಸಿ ಪಕ್ಷಿಪ್ರಿಯರನ್ನು ಕಾಡುತ್ತಿವೆ.

ಜೊತೆಗೆ ದಿನೇ ದಿನೇ ಈ ಪಕ್ಷಿಗಳ ಸಂಖ್ಯೆ ಹೆಚ್ಚುತ್ತಲೇ ಹೋಗಿ ಮತ್ತೆ ಪಕ್ಷಧಾಮದ ವೈಭವ ಮರುಕಳಿಸೀತೆ? ಎಂಬ ನಿರೀಕ್ಷೆಯನ್ನೂ ಹುಟ್ಟು ಹಾಕಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಗ್ಗಲಡು ಬಿಟ್ಟು ಗೌಡಗೆರೆ ಕೆರೆಯತ್ತ...

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು