<p>ಶಿರಾ: ಬೆಂಗಳೂರಿನ ಹೆಸರಘಟ್ಟದ ಕೋಳಿ ಶೆಡ್ಗಳಲ್ಲಿ ಹಕ್ಕಿ ಜ್ವರ ಹರಡಿರುವ ಹಿನ್ನೆಲೆಯಲ್ಲಿ ನಗರ ಪ್ರದೇಶಗಳಲ್ಲಿ ಬಾಯ್ಲರ್- ಫಾರಂಕೋಳಿಗಳ ಮಾರಾಟ ಕುಸಿದಿದೆ. ಹಳ್ಳಿಗಳಿಗೆ ಕೋಳಿಗಳನ್ನು ವಾಹನದಲ್ಲಿ ತುಂಬಿಕೊಂಡು ಬಂದು ಕಡಿಮೆ ಬೆಲೆಗೆ ಮಾರಲಾಗುತ್ತಿದೆ.<br /> <br /> ಕಡಿಮೆ ಬೆಲೆಗೆ ಮನೆಯ ಬಾಗಿಲಿಗೆ ಬಂದ ಕೋಳಿಗಳನ್ನು ಕೊಂಡು ತಿನ್ನದಿರುವುದು ಹೇಗೆಂದು ಹಳ್ಳಿಯ ಮಾಂಸ ಪ್ರಿಯರೆಲ್ಲಾ ಸಾಲ ಸೋಲ ಮಾಡಿ ಕೋಳಿ ಖರೀದಿಸುತ್ತಿದ್ದಾರೆ.<br /> <br /> ತಾವೇ ಕೊಳ್ಳಲು ಹೋದಾಗ ಬಾಯ್ಲರ್ ಕೋಳಿ ಬೆಲೆ ಕೆಜಿಗೆ 70-80 ರೂಪಾಯಿ ಇರುತ್ತದೆ. ಮನೆಯ ಮುಂದಕ್ಕೆ ಬಂದು 60 ರೂಪಾಯಿಗೆ ಕೆಜಿ ಮಾರಾಟ ಮಾಡಿದರೆ ಜನ ಕೊಳ್ಳದೇ ಇರುತ್ತಾರೆಯೇ? ರಂಗನಹಳ್ಳಿಯಲ್ಲಿ ಮುಗಿಬಿದ್ದು ಕೊಂಡುಕೊಂಡರು ಎಂದು ಹನುಮೇಗೌಡ ತಿಳಿಸಿದರು.<br /> <br /> ತಾಲ್ಲೂಕಿನ ತಾವರೇಕೆರೆ ಹೊಸೂರು ಮಾರ್ಗದಲ್ಲಿ ವಾಹನದಲ್ಲಿ ತುಂಬಿಕೊಂಡು ಬಂದು ಕಡಿಮೆ ಬೆಲೆಗೆ ಕೋಳಿ ಮಾರಾಟ ಮಾಡಿದ ಸುದ್ದಿ ಅಕ್ಕಪಕ್ಕದ ಗ್ರಾಮದವರಿಗೂ ತಿಳಿದು ಅನೇಕರು ಕೊಳ್ಳಲು ದಿನವೂ ಧಾವಿಸಿ ಕಾತರದಿಂದ ಕಾಯುತ್ತಾರೆ.<br /> <br /> ಹಳ್ಳಿಗಳಿಗೆ ಕೋಳಿ ತುಂಬಿಕೊಂಡು ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿರುವುದರಿಂದ ಹಳ್ಳಿಗಳ ಅಂಗಡಿಯಲ್ಲಿ ಮಾರುತ್ತಿದ್ದ ಕೋಳಿಗಳಿಗೆ ಬೇಡಿಕೆ ಕುಸಿದಿದೆ. ಆದರೆ ಬೆಲೆ ಮಾತ್ರ ಕಡಿಮೆ ಆಗಿಲ್ಲ. ಬಾಯ್ಲರ್ ಕೋಳಿ ಬೆಲೆ ಕೆಜಿಗೆ 70 ರೂಪಾಯಿ ಇದೆ. <br /> <br /> ಹೀಗೇಕೆಂದು ಕೇಳಿದರೆ ಬೆಂಗಳೂರಿನಲ್ಲಿ ಹಕ್ಕಿಜ್ವರ ಬಂದು ಕೋಳಿಫಾರಂ ಸುಟ್ಟುಹಾಕುತ್ತಿದ್ದಾರಂತೆ; ಅಲ್ಲಿಂದ ತಂದು ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಾರೆ. ನಾವು ಇಲ್ಲಿಯೇ ಲೋಕಲ್ನಲ್ಲಿ ತಂದು ಮಾರುತ್ತಿದ್ದೇವೆ. ನಮ್ಮ ಕೋಳಿಗೆ ಯಾವ ಜ್ವರವೂ ಇಲ್ಲ ಎನ್ನುತ್ತಾರೆ ಭೂತಪ್ಪನಗುಡಿ ಕೋಳಿವ್ಯಾಪಾರಿ ಭೂತಮ್ಮ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಶಿರಾ: ಬೆಂಗಳೂರಿನ ಹೆಸರಘಟ್ಟದ ಕೋಳಿ ಶೆಡ್ಗಳಲ್ಲಿ ಹಕ್ಕಿ ಜ್ವರ ಹರಡಿರುವ ಹಿನ್ನೆಲೆಯಲ್ಲಿ ನಗರ ಪ್ರದೇಶಗಳಲ್ಲಿ ಬಾಯ್ಲರ್- ಫಾರಂಕೋಳಿಗಳ ಮಾರಾಟ ಕುಸಿದಿದೆ. ಹಳ್ಳಿಗಳಿಗೆ ಕೋಳಿಗಳನ್ನು ವಾಹನದಲ್ಲಿ ತುಂಬಿಕೊಂಡು ಬಂದು ಕಡಿಮೆ ಬೆಲೆಗೆ ಮಾರಲಾಗುತ್ತಿದೆ.<br /> <br /> ಕಡಿಮೆ ಬೆಲೆಗೆ ಮನೆಯ ಬಾಗಿಲಿಗೆ ಬಂದ ಕೋಳಿಗಳನ್ನು ಕೊಂಡು ತಿನ್ನದಿರುವುದು ಹೇಗೆಂದು ಹಳ್ಳಿಯ ಮಾಂಸ ಪ್ರಿಯರೆಲ್ಲಾ ಸಾಲ ಸೋಲ ಮಾಡಿ ಕೋಳಿ ಖರೀದಿಸುತ್ತಿದ್ದಾರೆ.<br /> <br /> ತಾವೇ ಕೊಳ್ಳಲು ಹೋದಾಗ ಬಾಯ್ಲರ್ ಕೋಳಿ ಬೆಲೆ ಕೆಜಿಗೆ 70-80 ರೂಪಾಯಿ ಇರುತ್ತದೆ. ಮನೆಯ ಮುಂದಕ್ಕೆ ಬಂದು 60 ರೂಪಾಯಿಗೆ ಕೆಜಿ ಮಾರಾಟ ಮಾಡಿದರೆ ಜನ ಕೊಳ್ಳದೇ ಇರುತ್ತಾರೆಯೇ? ರಂಗನಹಳ್ಳಿಯಲ್ಲಿ ಮುಗಿಬಿದ್ದು ಕೊಂಡುಕೊಂಡರು ಎಂದು ಹನುಮೇಗೌಡ ತಿಳಿಸಿದರು.<br /> <br /> ತಾಲ್ಲೂಕಿನ ತಾವರೇಕೆರೆ ಹೊಸೂರು ಮಾರ್ಗದಲ್ಲಿ ವಾಹನದಲ್ಲಿ ತುಂಬಿಕೊಂಡು ಬಂದು ಕಡಿಮೆ ಬೆಲೆಗೆ ಕೋಳಿ ಮಾರಾಟ ಮಾಡಿದ ಸುದ್ದಿ ಅಕ್ಕಪಕ್ಕದ ಗ್ರಾಮದವರಿಗೂ ತಿಳಿದು ಅನೇಕರು ಕೊಳ್ಳಲು ದಿನವೂ ಧಾವಿಸಿ ಕಾತರದಿಂದ ಕಾಯುತ್ತಾರೆ.<br /> <br /> ಹಳ್ಳಿಗಳಿಗೆ ಕೋಳಿ ತುಂಬಿಕೊಂಡು ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿರುವುದರಿಂದ ಹಳ್ಳಿಗಳ ಅಂಗಡಿಯಲ್ಲಿ ಮಾರುತ್ತಿದ್ದ ಕೋಳಿಗಳಿಗೆ ಬೇಡಿಕೆ ಕುಸಿದಿದೆ. ಆದರೆ ಬೆಲೆ ಮಾತ್ರ ಕಡಿಮೆ ಆಗಿಲ್ಲ. ಬಾಯ್ಲರ್ ಕೋಳಿ ಬೆಲೆ ಕೆಜಿಗೆ 70 ರೂಪಾಯಿ ಇದೆ. <br /> <br /> ಹೀಗೇಕೆಂದು ಕೇಳಿದರೆ ಬೆಂಗಳೂರಿನಲ್ಲಿ ಹಕ್ಕಿಜ್ವರ ಬಂದು ಕೋಳಿಫಾರಂ ಸುಟ್ಟುಹಾಕುತ್ತಿದ್ದಾರಂತೆ; ಅಲ್ಲಿಂದ ತಂದು ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಾರೆ. ನಾವು ಇಲ್ಲಿಯೇ ಲೋಕಲ್ನಲ್ಲಿ ತಂದು ಮಾರುತ್ತಿದ್ದೇವೆ. ನಮ್ಮ ಕೋಳಿಗೆ ಯಾವ ಜ್ವರವೂ ಇಲ್ಲ ಎನ್ನುತ್ತಾರೆ ಭೂತಪ್ಪನಗುಡಿ ಕೋಳಿವ್ಯಾಪಾರಿ ಭೂತಮ್ಮ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
