‘ಆಮೆಯ ಹೆಜ್ಜೆ ಗುರುತು ಕಂಡು ಬಂದ ಜಾಗದ ಸಮೀಪದಲ್ಲಿ ಮೊಟ್ಟೆ ಇಟ್ಟಿರಬಹುದೆಂದು ಊಹಿಸಿ ರಕ್ಷಣೆಗಾಗಿ ಪಂಜರ ನಿರ್ಮಿಸಲಾಗಿತ್ತು. ಸ್ವಾಭಾವಿಕ ವಿಧಾನದಲ್ಲಿ ನಡೆಯುವ ಪ್ರಕ್ರಿಯೆಯಿಂದ ಮೊಟ್ಟೆಗಳಿಂದ ಪ್ರತಿಶತ ಎಷ್ಟು ಮರಿಗಳು ಹೊರಬರುತ್ತವೆ ಎಂಬುದನ್ನು ತಿಳಿಯಲು ಪ್ರಾಯೋಗಿಕವಾಗಿ ಪಂಜರ ನಿರ್ಮಿಸಲಾಗಿತ್ತು. ಸಾಮಾನ್ಯವಾಗಿ 45ರಿಂದ 55 ದಿನಗಳಲ್ಲಿ ಮೊಟ್ಟೆಗಳಿಂದ ಮರಿ ಹೊರಬರುತ್ತವೆ. ಆದರೆ, 60 ದಿನಗಳು ಕಳೆದರೂ ಈ ಜಾಗದಲ್ಲಿ ಮರಿಗಳು ಕಂಡು ಬಂದಿರಲಿಲ್ಲ’ ಎಂದು ತನಿಖೆ ನಡೆಸಿದ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಕೆ.ಟಿ.ಬೋರಯ್ಯ ತಿಳಿಸಿದರು.