ಯಲ್ಲಾಪುರ: ಗಾಳಿ, ಮಳೆಯಿಂದ ಭಾರಿ ಹಾನಿ

ಹುಣೆಮನೆ, ಸೂರ್ ಬೈಲ್, ಬಾಳೆಗದ್ದೆ ಮುಂತಾದ ಊರುಗಳಲ್ಲಿ ರೈತರ ಹೊಲ, ಗದ್ದೆ ತೋಟಗಳಿಗೆ ಹಾನಿಯಾಗಿದೆ. ಭೂತನಕಲ್ ಜಡ್ಡಿಯ ಕೇಶವ ಗಣೇಶ ಭಟ್ಟ ಅವರ ಅಡಿಕೆ ತೋಟದಲ್ಲಿ 30ಕ್ಕೂ ಹೆಚ್ಚು ಅಡಿಕೆ ಮರಗಳು ಮುರಿದು ಬಿದ್ದಿವೆ. ತೋಟದ ಕಲ್ಲಳ್ಳಿ- ನರಿಸರದ ಸೀತಾರಾಮ ಹೆಗಡೆ ಅವರ ಎಕರೆಗಟ್ಟಲೆ ಬಾಳೆಗಿಡಗಳಿಗೆ ಹಾನಿಯಾಗಿದೆ.

ಹುಣಸೆಮನೆ ಭಾಗದಲ್ಲಿ 15ಕ್ಕೂ ಹೆಚ್ಚು ವಿದ್ಯುತ್ ಕಂಬಗಳು ಉರುಳಿ ಬಿದ್ದಿದ್ದು, ಕಾಡಿನ ಮರಗಳೂ ಬಹಳ ಪ್ರಮಾಣದಲ್ಲಿ ನೆಲಕ್ಕುರುಳಿವೆ.

ಸ್ಥಳಕ್ಕೆ ಕಂದಾಯ ಇಲಾಖೆ ಸಿಬ್ಬಂದಿ ಮತ್ತು ಗ್ರಾಮ ಪಂಚಾಯ್ತಿ ಸಿಬ್ಬಂದಿ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.