ಕಾರವಾರ: ಬಿಸಿಲಿಗೆ ಕಂಗೆಟ್ಟ ‘ಹಸಿರು’ ನೆಲ

‘ಬಿಸಿಲಿನ ಪ್ರಖರತೆ ಹೆಚ್ಚಿರುವುದರಿಂದ ಬಿರು ಬಿಸಿಲು ಇರುವ ಮಧ್ಯಾಹ್ನ 11.30 ರಿಂದ ಸಂಜೆ 4 ಗಂಟೆವರೆಗೆ ಮನೆ ಅಥವಾ ಕಚೇರಿಯಿಂದ ಹೊರಹೂಗುವುದನ್ನು ಸಾಧ್ಯವಾದಷ್ಟು ತಪ್ಪಿಸಬೇಕು. ಹೊರಹೋಗುವುದಿದ್ದರೆ ತೆಳುವಾದ ಹತ್ತಿಯ ಬಟ್ಟೆ ಧರಿಸಿ ಸಾಗಬಹುದು. ನೈಲಾನ್ ಪಾಲಿಸ್ಟರ್ ಬಟ್ಟೆ ಧರಿಸುವುದನ್ನು ತಪ್ಪಿಸಬೇಕು. ಇವು ಬೆವರು ಹೀರದ ಪರಿಣಾಮ ಚರ್ಮಕ್ಕೆ ಶಿಲೀಂದ್ರ ಸೋಂಕು ತಗಲುವ ಸಾಧ್ಯತೆ ಹೆಚ್ಚು. ಬಿಸಿಲಿನ ಶಾಖದಿಂದ ರಕ್ಷಣೆ ಪಡೆಯಲು ದೇಹಕ್ಕೆ ಎಸ್.ಪಿ.ಎಫ್ ಶೇ 30ಕ್ಕಿಂತ ಹೆಚ್ಚಿರುವ ಸನ್‍ಸ್ಕ್ರೀನ್ ಲೋಶನ್ ಹಚ್ಚಬಹುದು. ಕಿಡ್ನಿ ಹೃದಯ ಸಮಸ್ಯೆ ಇದ್ದವರ ಹೊರತಾದವರು ದಿನಕ್ಕೆ ಸರಾಸರಿ 3 ರಿಂದ 5 ಲೀ. ನೀರು ಸೇವಿಸುವುದು ಉತ್ತಮ’ ಎನ್ನುತ್ತಾರೆ ಕ್ರಿಮ್ಸ್ ಸಂಸ್ಥೆಯ ಚರ್ಮರೋಗ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಡಾ.ಮಹಾಂತೇಶ ಪಿ.

‘ಬೇಸಿಗೆ ಅವಧಿಯಲ್ಲಿ ಜೀರ್ಣಕ್ರಿಯೆ ಸಾಮರ್ಥ್ಯ ಕಡಿಮೆ ಇರುತ್ತದೆ. ಹೀಗಾಗಿ ಸುಲಭವಾಗಿ ಜೀರ್ಣವಾಗಬಲ್ಲ ಪದಾರ್ಥಗಳ ಸೇವನೆಗೆ ಆದ್ಯತೆ ನೀಡಬೇಕು. ಕಾರ್ಬೊನೇಟೆಡ್ ಪಾನೀಯಗಳ ಬದಲು ಹಣ್ಣಿನ ಜ್ಯೂಸ್ ಎಳನೀರು ಮಜ್ಜಿಗೆ ದೇಹಕ್ಕೆ ತಂಪು ನೀಡುವ ಪಾನೀಯಗಳ ಸೇವನೆಗೆ ಒತ್ತು ನೀಡಬೇಕು. ಆರೋಗ್ಯಕರವಾಗಿರುವ ಸೊಪ್ಪುಗಳನ್ನು ಬಳಸಿ ತಯಾರಿಸಿದ ತಂಬುಳಿಯಂತಹ ಪದಾರ್ಥಗಳನ್ನು ಸೇವಿಸುವುದು ಉತ್ತಮ. ಹುರಳಿಕಾಳು ಹುಣಸೆಹಣ್ಣು ಹೀರೆಕಾಯಿ ಬದನೆಕಾಯಿ ಮುಂತಾದವುಗಳ ಬಳಕೆ ಹೆಚ್ಚಿಸಬೇಕು. ಬಿಸಿಲಿನ ವೇಳೆ ದೇಹಕ್ಕೆ ಹೆಚ್ಚು ದಣಿವು ನೀಡುವ ಕೆಲಸ ಮಾಡಬಾರದು. ಹಗಲಿನ ವೇಳೆ ನಿದ್ರೆಯೂ ಒಳ್ಳೆಯದಲ್ಲ’ ಎಂದು ಸಲಹೆ ನೀಡುತ್ತಾರೆ ಜಿಲ್ಲಾ ಆಯುಷ್ ವೈದ್ಯಾಧಿಕಾರಿ ಡಾ.ಲಲಿತಾ ಶೆಟ್ಟಿ.