ಕಾರವಾರ: ಮೀನು ಚೆಲ್ಲಿದ ನಗರಸಭೆ ಸಿಬ್ಬಂದಿ

ಕಾರವಾರ : ಕೋವಿಡ್ ನಿಯಂತ್ರಣಕ್ಕೆ ಜಾರಿಯಾಗಿರುವ ಕರ್ಫ್ಯೂ ನೆಪದಲ್ಲಿ ನಗರಸಭೆ ಸಿಬ್ಬಂದಿ ಶುಕ್ರವಾರ ದರ್ಪ ಎಸಗಿದ್ದಾರೆ. ಬುಟ್ಟಿಯಲ್ಲಿದ್ದ ಮೀನನ್ನು ನೆಲಕ್ಕೆ ಚೆಲ್ಲಿ ಕೋಲು ಹಿಡಿದು ಬೆದರಿಸಿದ್ದಾರೆ ಎಂದು ಮೀನುಗಾರ ಮಹಿಳೆಯರು ದೂರಿದ್ದಾರೆ.

. ನಗರದ ಆಯುಷ್ ಆಸ್ಪತ್ರೆ ಬಳಿ ಪಾದಚಾರಿ ರಸ್ತೆಯ ಮೇಲೆ ಕುಳಿತು ಕೆಲವು ಮಹಿಳೆಯರು ಮೀನು ಮಾರಾಟ ಮಾಡುತ್ತಿದ್ದರು. ಜಿಲ್ಲೆಯಲ್ಲಿ ಪರಿಷ್ಕೃತ ಆದೇಶದಂತೆ ಜಿಲ್ಲೆಯಲ್ಲಿ ಬೆಳಿಗ್ಗೆ 10ರಿಂದ ಕರ್ಫ್ಯೂ ಜಾರಿಯಾಗಿದೆ. ಆ ಸಮಯದಲ್ಲಿ ಮೀನು ಮಾರಾಟಗಾರರು ತಮ್ಮ ಮನೆಗಳಿಗೆ ತೆರಳಲು ಸಿದ್ಧತೆ ಮಾಡಿಕೊಳ್ಳುತ್ತಿದ್ದರು. ಅಷ್ಟರಲ್ಲಿ ಅಲ್ಲಿಗೆ ಬಂದ ನಗರಸಭೆ ಸಿಬ್ಬಂದಿ ಬುಟ್ಟಿಯಲ್ಲಿ ಉಳಿದಿದ್ದ ಮೀನನ್ನು ನೆಲಕ್ಕೆ ಬಿಸಾಡಿದರು ಎಂದು ಮಹಿಳೆಯರು ಆಕ್ರೋಶ ವ್ಯಕ್ತಪಡಿಸಿದರು.

. ‘ಮೀನು ಆಹಾರ ಪದಾರ್ಥ. ನಾವು ನಾಲ್ಕೈದು ಸಾವಿರ ರೂಪಾಯಿ ಬಂಡವಾಳ ಹಾಕಿ ಮಾರಾಟ ಮಾಡುತ್ತೇವೆ. ಅದರಿಂದ ಸಿಗುವ ₹ 500 – ₹ 600ಯಲ್ಲಿ ನಮ್ಮ ಇಡೀ ಕುಟುಂಬದ ಖರ್ಚು ಸಾಗುತ್ತದೆ. ಒಂದು ದಿನ ದುಡಿಯದಿದ್ದರೂ ಊಟಕ್ಕೆ ತೊಂದರೆಯಾಗುತ್ತದೆ. ಪೊಲೀಸರು ಕೂಡ ನಮಗೆ ಹೊಡೆದಿಲ್ಲ. ಮೀನುಗಾರರ ಕಷ್ಟವೇನು ಎಂಬುದು ಅವರಿಗೂ ಗೊತ್ತಿದೆ. ನಗರಸಭೆ ಸಿಬ್ಬಂದಿಗೆ ಈ ರೀತಿ ವರ್ತಿಸಲು ಅಧಿಕಾರ ಕೊಟ್ಟವರು ಯಾರು’ ಎಂದು ಪ್ರಶ್ನಿಸುತ್ತ ಕಣ್ಣೀರು ಹಾಕಿದರು.

. ‘ಸಮುದ್ರದಿಂದ ಮೀನು ಹಿಡಿದು ತಂದು ಅದನ್ನು ಮಾರಾಟ ಮಾಡಲು ಕಷ್ಟವೆಷ್ಟಿದೆ ಎಂದು ಗೊತ್ತಿದ್ದವರು ಈ ರೀತಿ ನೆಲಕ್ಕೆ ಎಸೆದು ಹಾಳು ಮಾಡುತ್ತಿರಲಿಲ್ಲ. ಮನೆ ಮನೆಗೆ ಹೋಗಿ ಮಾರಾಟ ಮಾಡಿ ಎಂದು ಹೇಳುತ್ತಾರೆ. ಆದರೆ, ಮನೆಯವರು ಸರಿಯಾಗಿ ಸ್ಪಂದಿಸುವುದಿಲ್ಲ. ಕೊರೊನಾದ ನೆಪದಲ್ಲಿ ಕೆಲವರು ಹತ್ತಿರ ಬರುವುದಿರಲಿ, ಗೇಟು ಕೂಡ ತೆರೆಯುವುದಿಲ್ಲ’ ಎಂದು ಅಳಲು ತೋಡಿಕೊಂಡರು.

. ‘ಮಹಿಳೆಯರು ರಸ್ತೆ ಬದಿ ಅಂತರ ಕಾಯ್ದುಕೊಂಡು ಕುಳಿತು ಮೀನು ಮಾರಾಟ ಮಾಡುತ್ತಿದ್ದಾರೆ. ಅಗತ್ಯವಿದ್ದವರು ಬಂದು ಖರೀದಿಸುತ್ತಾರೆ. ಒಂದು ವೇಳೆ ನಿಯಮದ ಉಲ್ಲಂಘನೆಯಾಗಿದ್ದರೆ ಎಚ್ಚರಿಕೆ ಕೊಡಲಿ. ಅದು ಬಿಟ್ಟು ಈ ರೀತಿ ದೌರ್ಜನ್ಯ ಮಾಡುವುದು ಖಂಡಿತ ಸರಿಯಲ್ಲ’ ಎಂದು ಮೀನುಗಾರ ಮುಖಂಡ ವಿನಾಯಕ ಹರಿಕಂತ್ರ ಆಕ್ಷೇಪಿಸಿದರು.

. ಗುಂಪು ಚದುರಿಸಿದ ಪೊಲೀಸರು

. ನಗರದ ಮಾರುಕಟ್ಟೆ ಪ್ರದೇಶದಲ್ಲಿ ಬೆಳಿಗ್ಗೆ 10ರ ನಂತರವೂ ಹಲವಾರು ಜನ ಸೇರಿದ್ದರು. ಅಲ್ಲಿಗೆ ಬಂದ ಪೊಲೀಸರು ಗುಂಪನ್ನು ಚದುರಿಸಿದರು. ಒಂದಿಬ್ಬರಿಗೆ ಲಘುವಾಗಿ ಲಾಠಿಯ ರುಚಿಯನ್ನೂ ತೋರಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಾರವಾರ: ಮೀನು ಚೆಲ್ಲಿದ ನಗರಸಭೆ ಸಿಬ್ಬಂದಿ

ಚಿನಕುರುಳಿ Cartoon: 12 ಜುಲೈ 2025

ಚುರುಮುರಿ: ನಕಲು–ಅಸಲು!

ದಿನ ಭವಿಷ್ಯ: ಈ ರಾಶಿಯವರು ಆರೋಗ್ಯದ ಬಗೆಗಿನ ಕಾಳಜಿ ಮಾಡಿ

ಚಿನಕುರುಳಿ Cartoon: 11 ಜುಲೈ 2025

ಟೇಬಲ್ ಟೆನಿಸ್ ಟೂರ್ನಿ | ತಮೋಜ್ಞಾ, ತನಿಷ್ಕಾಗೆ ಪ್ರಶಸ್ತಿ

'ಜೀವನ ಅನಿರೀಕ್ಷಿತವಾದದ್ದು': ಫುಟ್‌ಬಾಲ್ ತಾರೆ ಜೋಟಾಗೆ ಗೌರವ ಸಮರ್ಪಿಸಿದ ಸಿರಾಜ್

ಹಾಕಿ | ಭಾರತ ‘ಎ’ ತಂಡಕ್ಕೆ ಮಣಿದ ಫ್ರಾನ್ಸ್‌

ಹಾಕಿ: ಭಾರತದಲ್ಲಿ ಪಾಕ್ ತಂಡದ ಸ್ಪರ್ಧೆಯಿಲ್ಲ!

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 12 ಜುಲೈ 2025

ಚುರುಮುರಿ: ನಕಲು–ಅಸಲು!

ದಿನ ಭವಿಷ್ಯ: ಈ ರಾಶಿಯವರು ಆರೋಗ್ಯದ ಬಗೆಗಿನ ಕಾಳಜಿ ಮಾಡಿ

ಚಿನಕುರುಳಿ Cartoon: 11 ಜುಲೈ 2025