ಕಾರವಾರ: ಲಾಕ್‌ಡೌನ್‌ ವೇಳೆ ಹಳಿ ನಿರ್ವಹಣೆಗೆ ‘ಕೊಂಕಣ’ ಮನ್ನಣೆ

ಹಳಿಗಳ ಕ್ಲಿಪ್ಪಿಂಗ್ ಸರಿಪಡಿಸುವುದು, ವೆಲ್ಡಿಂಗ್ ಕಾರ್ಯ, ರೈಲ್ವೇ ನಿರ್ವಹಣಾ ವ್ಯಾನ್ (ಆರ್.ಎಂ.ವಿ) ಮೂಲಕ ಹಳಿಗಳ ಪರಿಶೀಲನೆ ಸೇರಿದಂತೆ ಎಲ್ಲ ರೀತಿಯ ಸುರಕ್ಷತಾ ಕಾರ್ಯಗಳನ್ನೂ ನಿಗಮದ ಸಿಬ್ಬಂದಿ ಮಾಡುತ್ತಿದ್ದಾರೆ. ಕಾರವಾರ, ಭಟ್ಕಳ ಮತ್ತು ಉಡುಪಿಯಲ್ಲಿಆರ್.ಎಂ.ವಿ.ಗಳಿವೆ. ಅವುಗಳ ಮೂಲಕ ಪ್ರತಿ ದಿನ ಎರಡುಸಲ ಅಧಿಕಾರಿಗಳು ಸಂಚರಿಸಿ ಗುಣಮಟ್ಟ ಪರೀಕ್ಷಿಸುತ್ತಿದ್ದಾರೆ. ಸಾಮಾನ್ಯ ದಿನಗಳಲ್ಲಿ ಗಮನಿಸಲು ಕಷ್ಟವಾಗುವಂಥ ಸಣ್ಣ ಕೆಲಸಗಳನ್ನೂ ಈಗ ಮಾಡಲಾಗುತ್ತಿದೆ ಎಂದು ಕೊಂಕಣ ರೈಲ್ವೇಯ ಅಧಿಕಾರಿಗಳು ತಿಳಿಸಿದ್ದಾರೆ.

ಈ ರೈಲು ಮಾರ್ಗದಲ್ಲಿ ಪ್ರಯಾಣಿಕರ ರೈಲುಗಳ ಸಂಚಾರ ಅಧಿಕವಾಗಿರುತ್ತದೆ. ಲಾಕ್‌ಡೌನ್ ಮುಗಿದು ಜನಜೀವನ ಸಹಜವಾಗುವಷ್ಟರಲ್ಲಿ ಮಳೆಗಾಲ ಆರಂಭವಾಗುತ್ತದೆ. ಆಗ ರೈಲುಹಳಿಗಳುಸಾಗುವ ಸುರಂಗ ಮಾರ್ಗಗಳ, ಸೇತುವೆಗಳ ನಿರ್ವಹಣೆಯು ಸಿಬ್ಬಂದಿಗೆ ಒತ್ತಡದ ಕೆಲಸವಾಗುತ್ತದೆ. ಆದ್ದರಿಂದ ಅದನ್ನು ಈಗಲೇ ಪೂರ್ಣಗೊಳಿಸಲು ಗಮನ ಹರಿಸಲಾಗಿದೆ.

ಮಹಾರಾಷ್ಟ್ರದ ನವಿ ಮುಂಬೈನ ಬೇಲಾಪುರದಿಂದ ಆರಂಭವಾಗಿ ಮಂಗಳೂರು ಸಮೀಪದ ತೋಕುರುವರೆಗೂ ಇದೇ ರೀತಿಯ ನಿರ್ವಹಣಾ ಕಾರ್ಯವನ್ನು ಮಾಡಲಾಗುತ್ತಿದೆ. ಮಹಾರಾಷ್ಟ್ರದ ರತ್ನಗಿರಿ, ಗೋವಾಹಾಗೂ ಉತ್ತರ ಕನ್ನಡ ಕಾರವಾರ ಸುತ್ತಮುತ್ತ ಈಗಾಗಲೇ ಅಗತ್ಯ ಕೆಲಸಗಳನ್ನು ಪೂರೈಸಲಾಗಿದೆ.

ರೈಲ್ವೇ ಇಲಾಖೆಯ ಇತರ ವಿಭಾಗಗಳ ಮಾದರಿಯಲ್ಲೇ ಸದ್ಯಕ್ಕೆಕೊಂಕಣ ರೈಲ್ವೇ ಕೂಡ ಕೇವಲ ಸರಕು ಸಾಗಣೆಯ ರೈಲುಗಳ ಸಂಚಾರ ಮುಂದುವರಿಸಿದೆ. ಜೊತೆಗೇ ವಿಶಿಷ್ಟವಾದ ‘ರೋರೋ’ ಸೇವೆಯೂ ಚಾಲ್ತಿಯಲ್ಲಿದೆ.ಅವುಗಳ ಮೂಲಕ ಲಾಕ್‌ಡೌನ್ ಅವಧಿಯಲ್ಲಿಜೀವನಾವಶ್ಯಕ ವಸ್ತುಗಳ ಪೂರೈಕೆ ಮಾಡಲಾಗುತ್ತಿದೆ.‌

ಔಷಧಿ, ವಿವಿಧ ಚಿಕಿತ್ಸಾ ಸಲಕರಣೆಗಳು, ಮಂಗಳೂರಿನ ಎಂ.ಆರ್.ಪಿ.ಎಲ್‌.ನಿಂದ ಪೆಟ್ರೋಲಿಯಂ ಉತ್ಪನ್ನಗಳು, ಆಹಾರ ಸಾಮಗ್ರಿ, ಬೇಳೆ ಕಾಳು, ಅಡಿಕೆಯಂತಹ ಕೃಷಿ ಉತ್ಪನ್ನಗಳನ್ನು ಸಾಗಿಸಲಾಗುತ್ತಿದೆ.

ಪಾಳಿಗಳಲ್ಲಿ ಕೆಲಸ:‘ಕೊಂಕಣ ರೈಲ್ವೆಯಲ್ಲಿಅತ್ಯಂತ ಕಡಿಮೆ ಸಿಬ್ಬಂದಿಯನ್ನು ಬಳಸಿಕೊಂಡು ಪಾಳಿಗಳ ಮೂಲಕ ಕೆಲಸ ನಿರ್ವಹಿಸಲಾಗುತ್ತಿದೆ. ಕರ್ತವ‌್ಯದ ಅವಧಿಯಲ್ಲಿ ಕಡ್ಡಾಯವಾಗಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳಲಾಗುತ್ತಿದೆ’ ಎಂದು ಕೊಂಕಣ ರೈಲ್ವೆಯ ಸಾರ್ವಜನಿಕ ಸಂಪರ್ಕಾಧಿಕಾರಿ ಸುಧಾ ಕೃಷ್ಣಮೂರ್ತಿ ತಿಳಿಸಿದ್ದಾರೆ.

‘ಸದ್ಯ ಸರಕು ಸಾಗಣೆ ರೈಲುಗಳು ಮಾತ್ರ ಸಂಚರಿಸುತ್ತಿವೆ. ಹಾಗಾಗಿನಿಲ್ದಾಣಗಳಲ್ಲಿ ಕೇವಲ ಅತ್ಯಗತ್ಯ ಸಿಬ್ಬಂದಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಸ್ಟೇಷನ್ ಮಾಸ್ಟರ್, ಪಾಯಿಂಟ್‌ಮೆನ್ ಹಾಗೂ ಲೋಕೋ ಪೈಲಟ್‌ಗಳು ಕರ್ತವ್ಯದಲ್ಲಿದ್ದಾರೆ’ ಎಂದು ಮಾಹಿತಿ ನೀಡಿದ್ದಾರೆ.

ಕೊಂಕಣ ರೈಲ್ವೇ: ಅಂಕಿ ಅಂಶ

26 ಜೋಡಿ – ಪ್ರಯಾಣಿಕರ ರೈಲುಗಳು

5,566 – ಒಟ್ಟು ಸಿಬ್ಬಂದಿ

1,300 – ಸದ್ಯ ಕಾರ್ಯ ನಿರ್ವಹಿಸುವವರು

741 ಕಿ.ಮೀ – ಹಳಿಯ ಒಟ್ಟು ಉದ್ದ