ಭಟ್ಕಳ: ರಂಗೇರಿದ ರಂಜಾನ್‌ ಮಾರುಕಟ್ಟೆ

ಭಟ್ಕಳ: ಮುಸ್ಲೀಂ ಧರ್ಮೀಯರ ಪಾಲಿನ ಪವಿತ್ರ ಮಾಸವಾಗಿರುವ ರಂಜಾನ್ ಮುಕ್ತಾಯ ಹಂತದಲ್ಲಿದ್ದು, ಪಟ್ಟಣದ ಮಾರುಕಟ್ಟೆಯು ಖರೀದಿ ಭರಾಟೆಯೊಂದಿಗೆ ಕಳೆಗಟ್ಟಿದೆ.

. ರಂಜಾನ್ ಮಾಸ ಕೊನೆಗೊಳ್ಳಲು ಒಂದು ದಿನ ಮಾತ್ರ ಬಾಕಿ ಇದ್ದು, ಭಾನುವಾರ ರಾತ್ರಿ ಚಂದ್ರ ದರ್ಶನವಾದರೆ ಸೋಮವಾರ ಈದ್–ಉಲ್–ಫಿತ್ರ್ ಆಚರಣೆಗೆ ಭಟ್ಕಳದಲ್ಲಿ ಸಕಲ ಸಿದ್ಧತೆ ಮಾಡಿಕೊಳ್ಳಲಾಗುತ್ತಿದೆ.

. ಕಳೆದ ಒಂದು ತಿಂಗಳಿನಿಂದ ಉಪವಾಸ ವೃತ್ತ ಆಚರಿಸುತ್ತಿದ್ದ ಮಸ್ಲಿಂ ಧರ್ಮೀಯರು 31ನೇ ದಿನದ ಹಬ್ಬದ ಆಚರಣೆಗೆ ಖರೀದಿಯಲ್ಲಿ ನಿರತರಾಗಿದ್ದಾರೆ. ರಂಜಾನ್ ಮಾಸದಲ್ಲಿ ಪಟ್ಟಣದಲ್ಲಿ ತೆರೆದುಕೊಳ್ಳುವ ‘ರಂಜಾನ್ ಮಾರುಕಟ್ಟೆ’ ರಾಜ್ಯದಲ್ಲಿಯೇ ವಿಶೇಷತೆ ಪಡೆದುಕೊಂಡಿದೆ. ವ್ಯಾಪಾರಕ್ಕಾಗಿ ರಾಜ್ಯ ಹೊರರಾಜ್ಯದ ವ್ಯಾಪಾರಿಗಳು ಇಲ್ಲಿಗೆ ಆಗಮಿಸಿದ್ದಾರೆ.

. ‘ಸಸ್ತಾ ಮಾಲ್ ಅಚ್ಚಾ ಮಾಲ್’ (ಕಡಿಮೆ ದರಕ್ಕೆ ಗುಣಮಟ್ಟದ ವಸ್ತು) ಎಂಬ ವ್ಯಾಪಾರಿಗಳ ಕೂಗು ಮಾರುಕಟ್ಟೆಯುದ್ದಕ್ಕೂ ಮಾರ್ದನಿಸುತ್ತಿದೆ. ರಂಜಾನ್ ವೇಳೆ ಕಡಿಮೆ ಬೆಲೆಗೆ ಬಗೆಬಗೆಯ ವಸ್ತು ಸಿಗುತ್ತವೆ ಎಂಬ ಕಾರಣಕ್ಕೆ ಸ್ಥಳೀಯರಷ್ಟೆ ಅಲ್ಲದೆ ಹೊರಜಿಲ್ಲೆಗಳಿಂದಲೂ ಗ್ರಾಹಕರು ಖರೀದಿಗೆ ಮುಗಿಬೀಳುತ್ತಿದ್ದಾರೆ.

. ‘ಈದ್–ಉಲ್–ಫಿತ್ರ್ ಹಬ್ಬಕ್ಕೆ 15 ದಿನ ಬಾಕಿ ಇರುವಾಗಲೆ ಭಟ್ಕಳದ ಮುಖ್ಯ ಮಾರುಕಟ್ಟೆಯಲ್ಲಿ ತೆರೆದುಕೊಳ್ಳುವ ಈ ವಿಶೇಷ ಮಾರುಕಟ್ಟೆಯಲ್ಲಿ ಮುಸ್ಲೀಂ ಧರ್ಮೀಯರಿಗಿಂತ ಹಿಂದೂ ಸಮುದಾಯದ ಗ್ರಾಹಕರೇ ಅಧಿಕ ಸಂಖ್ಯೆಯಲ್ಲಿ ಖರೀದಿ ಮಾಡಿಹೋಗುತ್ತಾರೆ. ಮಧ್ಯರಾತ್ರಿ 3 ಗಂಟೆಯ ತನಕವೂ ಮಾರುಕಟ್ಟೆ ಜನಜಂಗುಳಿಯಿಂದ ತುಂಬಿರುತ್ತದೆ. ಉಭಯ ಕೋಮಿನ ಸೌಹಾರ್ದತೆಯ ಪ್ರತೀಕ ರಂಜಾನ್ ಮಾರುಕಟ್ಟೆ’ ಎಂದು ಸ್ಥಳೀಯರು ಹೇಳುತ್ತಾರೆ.

. ದಿನನಿತ್ಯ ಉಪಯೋಗಿಸುವ ಗೃಹಪಯೋಗಿ ವಸ್ತುಗಳಿಂದು ಹಿಡಿದು ಬಗೆಬಗೆಯ ಬಟ್ಟೆಗಳು, ಮಕ್ಕಳ ಆಟಿಕೆ ಸಾಮಗ್ರಿಗಳು ಹಾಗೂ ತಿಂಡಿ ತಿನಿಸುಗಳು ಈ ಮಾರುಕಟ್ಟೆಯ ಆಕರ್ಷಣೀಯ ಕೇಂದ್ರವಾಗಿದೆ. ಅಂಗಡಿಕಾರರು ಈ ಬಾರಿ ರಸ್ತೆಯ ತುಂಬಾ ಬೆಳಕಿನ ವ್ಯವಸ್ಥೆ ಮಾಡಿಸಿ ಮಾರುಕಟ್ಟೆ ಕಳೆಗಟ್ಟುವಂತೆ ಮಾಡಿದ್ದಾರೆ.

. ಪುರುಷ ಮಹಿಳೆಯರೆನ್ನದೆ ಗುಂಪುಗುಂಪಾಗಿ ಖರೀದಿಗೆ ಮುಗಿಬೀಳುವವರ ಮಧ್ಯೆ ಅಹಿತಕರ ಘಟನೆ ನಡೆಯದಂತೆ ಭಟ್ಕಳ ತಂಝೀಂ ವತಿಯಿಂದ ಈ ಬಾರಿ ಮಾರುಕಟ್ಟೆ ಪ್ರದೇಶದಲ್ಲಿ ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸಲಾಗಿದೆ. ಪೊಲೀಸರು ಕಣ್ಗಾವಲು ಇರಿಸಿದ್ದಾರೆ.

. ‘ಕಳೆದ ಕೆಲವು ವರ್ಷಗಳಿಗೆ ಹೊಲಿಸಿದರೇ ಈ ಬಾರಿ ರಂಜಾನ್ ಮಾರುಕಟ್ಟೆಯಲ್ಲಿ ಉತ್ತಮ ವ್ಯಾಪಾರು ವಹಿವಾಟು ನಡೆದಿದೆ’ ಎಂದು ವ್ಯಾಪಾರಿ ಇಂಶಾದ್ ಮೊಹತೆಶ್ಯಾಂ ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭಟ್ಕಳ: ರಂಗೇರಿದ ರಂಜಾನ್‌ ಮಾರುಕಟ್ಟೆ

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...