ಶಿರಸಿ: ಮೂಲಸೌಕರ್ಯ ವಂಚಿತ ಸ್ಮಶಾನಗಳು; ಅಂತ್ಯಸಂಸ್ಕಾರಕ್ಕೂ ಸಾರ್ವಜನಿಕರಿಗೆ ತೊಡಕು

ನಗರದಲ್ಲಿ ಖಾಸಗಿ ಸಹಭಾಗಿತ್ವದಲ್ಲಿ ನಡೆಯುತ್ತಿರುವ ವಿದ್ಯಾನಗರ ರುದ್ರಭೂಮಿ ಅಭಿವೃದ್ಧಿ ದೃಷ್ಟಿಯಿಂದ ವಿಶೇಷವಾಗಿ ಗಮನ ಸೆಳೆಯುತ್ತದೆ. ಈ ರುದ್ರಭೂಮಿಯಲ್ಲಿ ಕೇವಲ ಶವ ಸಂಸ್ಕಾರವಷ್ಟೇ ಮಾಡುತ್ತಿಲ್ಲ. ಇದರ ಆವರಣದಲ್ಲಿ ರಂಗಧಾಮ ನಿರ್ಮಿಸಿ ಸಾಂಸ್ಕೃತಿಕ ಕಲೆ ಸಾಹಿತ್ಯ ಕಾರ್ಯಕ್ರಮಗಳಿಗೆ ವೇದಿಕೆ ಒದಗಿಸುವ ಕಾರ್ಯವಾಗಿದೆ. ವೈವಿಧ್ಯಮಯ ಹಣ್ಣಿನ ಗಿಡಗಳು ಗಮನ ಸೆಳೆಯುತ್ತವೆ. ಈ ಸ್ಮಶಾನದ ಸ್ವಚ್ಛತೆಗೆ ವಿವಿಧ ಸಂಘಟನೆಗಳು ಸ್ವಯಂ ಪ್ರೇರಣೆಯಿಂದ ಕೈಜೋಡಿಸುತ್ತಿವೆ. ಇಡೀ ಸ್ಮಶಾನದ ಆವರಣವನ್ನು ಅತಿಕ್ರಮಣವಾಗದಂತೆ ಭದ್ರಪಡಿಸಲಾಗಿದೆ.