ಕಾರವಾರ: ದೂಳು ಹಿಡಿದು ನಿಂತ ಟುಪಲೇವ್

ಸದ್ಯ ಕಾರವಾರಕ್ಕೆ ಭೇಟಿ ನೀಡುತ್ತಿರುವ ಪ್ರವಾಸಿಗರ ಪೈಕಿ ಟುಪಲೇವ್ (142–ಎಂ) ಯುದ್ಧವಿಮಾನ ವೀಕ್ಷಣೆಗೆ ಬೇಡಿಕೆ ಇಡುತ್ತಿರುವವರ ಸಂಖ್ಯೆ ಹೆಚ್ಚಿದೆ. ಯುದ್ಧವಿಮಾನ ಸ್ಥಾಪನೆಯಾಗಿರುವ ಯುದ್ಧನೌಕೆ ವಸ್ತುಸಂಗ್ರಹಾಲಯದ ಉದ್ಯಾನದ ಹೊರಗಿಂದಲೇ ನಿಂತು ಫೋಟೊ ಕ್ಲಿಕ್ಕಿಸಿಕೊಳ್ಳುವ ಪ್ರವಾಸಿಗರು ವಿಮಾನ ವೀಕ್ಷಣೆಗೆ ಅವಕಾಶ ಆರಂಭಿಸಿದ ನಂತರ ಮಾಹಿತಿ ನೀಡುವಂತೆ ಇಲ್ಲಿನ ಸಿಬ್ಬಂದಿಗೆ ಒತ್ತಾಯಿಸುತ್ತಿದ್ದಾರೆ. ಈಗಾಗಲೆ 220ಕ್ಕೂ ಹೆಚ್ಚು ಪ್ರವಾಸಿಗರು ತಮ್ಮ ಹೆಸರು ದೂರವಾಣಿ ಸಂಖ್ಯೆ ನೀಡಿ ತೆರಳಿದ್ದಾರೆ. ಇವರಲ್ಲಿ ಗೋವಾ ಮಹಾರಾಷ್ಟ್ರ ಭಾಗದ ಪ್ರವಾಸಿಗರು ಸೇರಿದಂತೆ ವಿದೇಶಿಗರು ಇದ್ದಾರೆ.