ಹೊಸಪೇಟೆ | ಅಲೆಮಾರಿ ಆಯೋಗ ನಿಶ್ಚಿತ: ಪಲ್ಲವಿ

ನಿಗಮ ಸ್ಥಾಪನೆಯಾದುದು ಕಳೆದ ವರ್ಷ ಅದಕ್ಕಿಂತ ಮೊದಲು ಅಭಿವೃದ್ಧಿ ಕೋಶ ಇತ್ತು. ಆಗ ಮಧ್ಯವರ್ತಿಗಳು ಅಧಿಕಾರಿಗಳ ಮೇಲೆ ಒತ್ತಡ ಹೇರಿ ಅಲೆಮಾರಿಗಳ ಯೋಜನೆಗಳನ್ನು ತಮ್ಮ ಹೆಸರಲ್ಲಿ ಮಾಡಿಕೊಂಡಿದ್ದು ಇದೆ. ಈಗ ಅದಕ್ಕೆ ಅವಕಾಶ ಇಲ್ಲ. ಹೊಸಪೇಟೆಯಲ್ಲಿ ಸುಡುಗಾಡು ಸಿದ್ಧರ ಹೆಸರಲ್ಲಿ ಹಲವು ಮುಖಂಡರು ವಂಚನೆ ಮಾಡಿರುವ ಬಗ್ಗೆ ನನಗೆ ಇದೀಗ ದೂರು ಬಂದಿದ್ದು ಅದನ್ನು ಗಂಭೀರವಾಗಿ ಪರಿಗಣಿಸಿ ಇಲ್ಲಿನ ಸಮಾಜ ಕಲ್ಯಾಣ ಅಧಿಕಾರಿಗಳಿಂದ ತನಿಖೆ ಮಾಡಿಸಿ ವರದಿ ತರಿಸಿಕೊಳ್ಳುತ್ತೇನೆ. ಎರಡು ತಿಂಗಳೊಳಗೆ ಈ ಸಮಸ್ಯೆ ಪರಿಹರಿಸಿ ತಪ್ಪಿತಸ್ಥರ ವಿರುದ್ಧ ಕ್ರಮಕ್ಕೆ ಶಿಫಾರಸು ಮಾಡುತ್ತೇನೆ ಎಂದು ಜಿ.ಪಲ್ಲವಿ ಹೇಳಿದರು.

‘ಹೊಸಪೇಟೆಯಲ್ಲಿ ಹತ್ತಾರು ಭಿಕ್ಷಕರಿದ್ದು ಅವರು ಅಲೆಮಾರಿ ಕುಟುಂಬದ ಮಕ್ಕಳನ್ನು ಬಾಡಿಗೆ ಪಡೆದುಕೊಂಡು ಭಿಕ್ಷೆ ಬೇಡುತ್ತಿರುವ ವಿಚಾರ ನನಗೆ ಹೊಸದು. ಇಂತಹ ಪ್ರಕರಣ ಇದ್ದರೆ ನನ್ನ ಗಮನಕ್ಕೆ ತನ್ನಿ ಕ್ರಮ ಜರುಗಿಸುವುದು ನಿಶ್ಚಿತ’ ಎಂದು ಪಲ್ಲವಿ ಹೇಳಿದರು.