ಹೊಸಪೇಟೆ (ವಿಜಯನಗರ): ತುಂಗಭದ್ರಾ ಜಲಾಶಯಕ್ಕೆ ಹರಿದುಬರುತ್ತಿರುವ ನೀರಿನ ಪ್ರಮಾಣ ಕ್ರಮೇಣ ಹೆಚ್ಚಳವಾಗುತ್ತಿದ್ದು, ಒಳಹರಿವಿನ ಪ್ರಮಾಣ 17,761 ಕ್ಯುಸೆಕ್ನಷ್ಟಿದೆ. ಒಂದು ದಿನದಲ್ಲಿ ಜಲಾಶಯದಲ್ಲಿ ನೀರಿನ ಸಂಗ್ರಹ 1.50 ಟಿಎಂಸಿ ಅಡಿಯಷ್ಟು ಹೆಚ್ಚಳವಾಗಿದೆ.
ಸೋಮವಾರ ಜಲಾಶಯದಲ್ಲಿ 3.91 ಟಿಎಂಸಿ ಅಡಿ ನೀರಿತ್ತು. ಮಂಗಳವಾರ ಅದರ ಪ್ರಮಾಣ 5.41 ಟಿಎಂಸಿ ಅಡಿಯಷ್ಟಾಗಿದೆ. ಅಣೆಕಟ್ಟೆಯಲ್ಲಿ ನೀರಿನ ಮಟ್ಟ ಮೂರು ಅಡಿಗಳಷ್ಟು ಹೆಚ್ಚಿದೆ. ಸೋಮವಾರ 1,578.79 ಅಡಿ ಇದ್ದುದು ಮಂಗಳವಾರ 1,581.82 ಅಡಿಗೆ ಏರಿಕೆಯಾಗಿದೆ.
ಕಳೆದ ವರ್ಷ ಇದೇ ದಿನ ಜಲಾಶಯದಲ್ಲಿ 88.35 ಟಿಎಂಸಿ ಅಡಿಯಷ್ಟು ನೀರು ಸಂಗ್ರಹವಾಗಿತ್ತು ಹಾಗೂ ಅಣೆಕಟ್ಟೆಯ ನೀರಿನ ಮಟ್ಟ 1,628.45 ಅಡಿಯಷ್ಟಿತ್ತು.
ಈ ಬಾರಿ ಮುಂಗಾರು ಆಗಮನ ಸುಮಾರು ಒಂದು ತಿಂಗಳಷ್ಟು ವಿಳಂಬವಾಗಿರುವುದರಿಂದ ತುಂಗಭದ್ರಾ ಜಲಾಶಯದಲ್ಲಿ ನೀರು ಸಂಗ್ರಹ ಸಹ ವಿಳಂಬವಾಗಿದೆ.