ಮಳೆನಾಡಾದ ವಿಜಯಪುರ; ದಿನವಿಡೀ ತುಂತುರು ಮಳೆ

ಬೆಳಿಗ್ಗೆ ಆರಂಭವಾದ ತುಂತುರು ಮಳೆ ಮಧ್ಯಾಹ್ನ 3ರ ವರೆಗೆಗೂ ಒಂದು ಕ್ಷಣವೂ ಬಿಡದೇ ತುಂತುರು ಮಳೆ ನಡುವೆ ಒಮ್ಮೊಮ್ಮೆ ರಭಸದ ಮಳೆಯೂ ಸರಿಯಿತು.

ಜಿನುಗುವ ಮಳೆಯಿಂದಾಗಿ ಸಂತೆ, ಬೀದಿ ವ್ಯಾಪಾರಕ್ಕೆ ಅಡಚಣೆಯಾಯಿತು. ಮಳೆಯ ಪರಿಣಾಮ ದೈನಂದಿನ ಸಹಜ ಜನಜೀವನಕ್ಕೆ ಅಡಚಣೆಯಾಯಿತು.

ಈ ಮೊದಲೇ ಗುಂಡಿಬಿದ್ದು ಹದಗೆಟ್ಟಿದ್ದ ನಗರ ರಸ್ತೆಗಳಲ್ಲಿ ನೀರು ನಿಂತು ಕೆಸರುಮಯವಾಗಿದ್ದರಿಂದ ಜನ, ವಾಹನ ಸಂಚಾರಕ್ಕೆ ಮಳೆಯಿಂದ ಕಿರಿಕಿರಿಯಾಯಿತು.

ಬಹಳ ದಿನಗಳಿಂದ ಮಳೆಯಿಲ್ಲದೇ ಬಾಡುವ ಭೀತಿ ಎದುರಿಸಿದ್ದಬೆಳೆಗಳಿಗೆ ಹದಮಳೆಯಿಂದ ಅನುಕೂಲವಾಗಿರುವುದರಿಂದ ರೈತರ ಮೊಗದಲ್ಲಿ ನಗು ಚಿಮ್ಮಿತು.