ಭೀಮಾ ನದಿಗೆ 1.18 ಲಕ್ಷ ಕ್ಯುಸೆಕ್ ನೀರು ಬಿಡುಗಡೆ

ಭಾನುವಾರ ನದಿಯಲ್ಲಿ 64 ಸಾವಿರ ಕ್ಯುಸೆಕ್ ನೀರು ಹರಿದು ಬರುತ್ತಿತ್ತು. ಈಗ ಪ್ರವಾಹ ಅಧಿಕವಾಗಿದೆ. ತಾಲ್ಲೂಕಿನ 10 ಹಾಗೂ ವಡಗೇರಾ ತಾಲ್ಲೂಕಿನ 14 ಹಳ್ಳಿಗಳ ನದಿ ದಂಡೆಯ ಗ್ರಾಮಸ್ಥರು ಎಚ್ಚರವಾಗಿರಬೇಕು. ಸುರಕ್ಷಿತ ಸ್ಥಳಕ್ಕೆ ತೆರಳಬೇಕು. ಜನ, ಜಾನುವಾರುಗಳನ್ನು ನದಿಯಲ್ಲಿ ಇಳಿಯದಂತೆ ಆಯಾ ಗ್ರಾಮದಲ್ಲಿ ಡಂಗೂರ ಸಾರಿ ದಿನಾಲು ಎಚ್ಚರಿಕೆ ನೀಡಲಾಗುತ್ತದೆ. ಸದ್ಯಕ್ಕೆ ಯಾವುದೇ ತೊಂದರೆ ಇಲ್ಲ ಎಂದು ಅವರು
ವಿವರಿಸಿದರು.

ಭೀಮಾ ನದಿಯ ಪ್ರವಾಹ ಏರುಮುಖವಾಗಿರುವುದರಿಂದ ನದಿ ದಂಡೆಯ ತಗ್ಗು ಪ್ರದೇಶದ ಜಮೀನುಗಳಿಗೆ ನೀರು ನುಗ್ಗಿದೆ. ಬೆಳೆದು ನಿಂತ ಭತ್ತ, ಹತ್ತಿ ಬೆಳೆ ಸಂಕಷ್ಟಕ್ಕೆ ಸಿಲುಕುವ ಭೀತಿ ರೈತರನ್ನು ಕಾಡುತ್ತಲಿದೆ. ಅಲ್ಲದೆ ತಗ್ಗು ಪ್ರದೇಶದ ಗ್ರಾಮಗಳಿಗೆ ನೀರು ಒಕ್ಕರಿಸುವ ಹೆದರಿಕೆ ಜನತೆಯನ್ನು ಕಾಡುತ್ತಲಿದೆ. ನದಿಯ ದಂಡೆಯ ಬಳಿ ಸ್ಥಾಪಿಸಿರುವ ವಿದ್ಯುತ್ ಪೈಪು, ವಿದ್ಯುತ್ ಪರಿವರ್ತಕ ಯಂತ್ರ (ಟಿ.ಸಿ) ಮಳೆಯಿಂದ ಹಾಗೂ ಹೆಚ್ಚು ನೀರು ಸಂಗ್ರಹದಿಂದ ಹಾನಿಯಾಗುತ್ತವೆ. ಅಲ್ಲದೆ ವಿದ್ಯುತ್ ಕಂಬ ಹಾಗೂ ವೈರ್ ಕಳಚಿ ಬೀಳುವ ಭೀತಿ ಎದುರಾಗಿದೆ. ಕುಡಿಯುವ ನೀರು ವಿದ್ಯುತ್ ಸ್ಥಗಿತ ಮುಂತಾದ ಒಂದಿಲ್ಲ ಒಂದು ಸಮಸ್ಯೆಗಳು ಎದುರಾಗಿವೆ ಎಂದು ಭೀಮಾ ನದಿ ದಂಡೆಯ ಜನತೆ ತಿಳಿಸಿದ್ದಾರೆ.