ಯಾದಗಿರಿ: ಸಾರಿಗೆ ಇಲಾಖೆ ಬಸ್ ಮತ್ತು ಲಾರಿ ತಾಲ್ಲೂಕಿನ ಮುಂಡರಗಿ ಬಳಿ ಬುಧವಾರ ರಾತ್ರಿ ಮುಖಾಮುಖಿ ಡಿಕ್ಕಿಯಾಗಿದ್ದು, 8-10 ಜನರಿಗೆ ಗಾಯಗಳಾಗಿವೆ.
ಗಾಯಾಳುಗಳು ಹೊಸ ಜಿಲ್ಲಾಸ್ಪತ್ರೆ, ಖಾಸಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಯಾದಗಿರಿಯಿಂದ ಕರಣಗಿಗೆ ಸಾರಿಗೆ ಬಸ್ ತೆರಳುತ್ತಿತ್ತು. ರಾಯಚೂರು ಮಾರ್ಗವಾಗಿ ಯಾದಗಿರಿಗೆ ಲಾರಿ ತೆರಳುತ್ತಿತ್ತು. ಮುಂಡರಗಿ ಗ್ರಾಮದ ಬಳಿ ಪರಸ್ಪರ ಡಿಕ್ಕಿಯಾಗಿದೆ. ಇದರಿಂದ ಬಸ್ ನಲ್ಲಿದ್ದವರಿಗೆ ಕೈ, ಕಾಲು, ತಲೆ, ಕಿವಿಗೆ ಗಾಯಗಳಾಗಿವೆ. ಇದರಲ್ಲಿ ಒಬ್ಬರು ಮಾತ್ರ ಗಂಭೀರ ಗಾಯಗೊಂಡಿದ್ದು, ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.